బ్రేకింగ్ : విశాఖలో జగన్ పై దాడి
వైకాపా అధినేత వైఎస్‌ జగన్‌పై దాడి జరిగింది. హైదరాబాద్ వెళ్లేందుకు ఈరోజు మధ్యాహ్నం జగన్ విశాఖ విమానాశ్రయానికి చేరుకున్నారు. విమానం బయలుదేరేందుకు సమయం ఉన్నందున వీఐపీ లాంజ్‌లో ఆయన విశ్రాంతి తీసుకుంటున్నారు. ఆ సమయంలో అటుగా వెళ్తున్న ఓ వెయిటర్ ఫోర్క్‌తో జగన్‌పై దాడి చేశాడు. ఈ దాడిలో జగన్ భుజానికి గాయమైంది. జగన్‌కు వెంటనే చికిత్స అందించారు. ఆ తర్వాత ఆయన హైదరాబాద్ కు బయలు దేరారు.
ఈ దాడి గురించి తెలిసి వైకాపా నేతలు పెద్ద ఎత్తున విమానాశ్రమానికి చేరుకొన్నారు. ఐతే, వెంటనే విమానాశ్రయంలోని ప్రవేశించే మార్గాన్ని పోలీసులు మూసివేశారు. ఈ దాడి వెనక ఏమైనా పొలిటికల్ కుట్ర ఉందనే అనుమానాలు కలుగుతున్నాయి. పోలీసుల విచారణలో వెయిటర్ దాడి వెనక ఉన్న అసలు నిజాలు వెలుగులోనికి వచ్చే అవకాశాలున్నాయి.
