విజయ్ నీవు తోపు.. నీ తర్వాతే ఎవరైనా.. !
టాలీవుడ్ లో ‘అర్జున్ రెడ్ది’ సంచలన విజయాన్ని నమోదు చేసింది. అర్జున్ రెడ్డిగా విజయ్ దేవరకొండ నటన షాక్ కి గురి చేసింది. అంతలా పాత్రలో ఒదిగిపోయాడు విజయ్. ఆ పాత్రలో మరొకరిని ఊహించుకొనేందుకు కూడా సాహాసం చేయలేని రీతిలో ఆయన ఆకట్టుకొన్నాడు. ఇప్పుడు అర్జున్ రెడ్డి ఇతర బాషల్లోకి అనువాదం అవుతున్న సంగతి తెలిసిందే.
బాలీవుడ్ ‘అర్జున్ రెడ్డి’గా షాహిద్ కపూర్ కనిపించబోతున్నారు. ఆయనకి జంటగా కైరా అద్వానీ నటించనుంది. దీనికి కూడా మాతృక దర్శకుడు సందీప్ రెడ్డి వంగా దర్శకత్వం వహిస్తున్నారు. ‘కబీర్ సింగ్’ టైటిల్ ని ఫిక్స్ చేశారు. ఇటీవల కబీర్ సింగ్ టైటిల్ పోస్టర్ ని కూడా రిలీజ్ చేశారు. దీనిపై విజయ్ దేవరకొండ స్పందిస్తూ.. ‘కబీర్ సింగ్..అర్జున్‌రెడ్డి నుంచి మీకు బెస్ట్‌ విషెస్‌’ అని ట్వీట్‌ చేస్తూ పోస్టర్‌ను, దర్శకుడు సందీప్‌తో కలిసి దిగిన ఫొటోను పంచుకున్నారు.
ఈ ట్వీట్‌పై తాజాగా షాహిద్ రిప్లై ఇచ్చారు. ‘సినిమాలో మీ పాత్ర ఎంతో స్ఫూర్తిదాయకంగా ఉంది బ్రదర్‌. ఎన్ని రీమేక్‌లు వచ్చినా నీదే ఒరిజినల్‌’ అని పేర్కొన్నారు. ఈ ట్వీట్‌కు విజయ్ రిప్లై ఇస్తూ..‘బిగ్‌ బ్రదర్‌.. మీపట్ల నాకూ ఎంతో గౌరవం, ప్రేమ ఉన్నాయి. మీరు, సందీప్ కలిసి మ్యాజిక్‌ చేస్తారు. మిమ్మల్ని కబీర్‌గా చూడాలని నాకూ ఎంతో ఆతృతగా ఉంది’ అని రాసుకొచ్చారు.
Big brother, much love and respect back 🤗
You and Sandeep will do magic.
I excitedly await to see you as Kabir! #KabirSingh #ArjunReddy https://t.co/LPjq0tejch— Vijay Deverakonda (@TheDeverakonda) October 28, 2018
