రాజమౌళి మల్టీ స్టారర్ సీన్ లీకు !
సెట్స్ మీదకు వెళ్లకముందే రాజమౌళి మల్టీ స్టారర్ లీకులకు గురవుతోంది. ఎన్టీఆర్, రామ్ చరణ్ లతో రాజమౌళి మల్టీ స్టారర్ తెరకెక్కనున్న సంగతి తెలిసిందే. నవంబర్ 5న ప్రారంభోత్సవం జరుపుకోనుంది. ఈ నేపథ్యంలో ఈ సినిమాకు సంబంధించిన ఊహాగానాలు ఊపందుకొన్నాయి. ఇందులో ముగ్గురు హీరోయిన్స్ కనిపించబోతున్నారు. ఒక హీరోయిన్ గా ఫారిన్ బ్యూటీని తీసుకోనున్నారని సమాచారమ్. అంతేకాదు.. సినిమాలో ఇంటర్వెల్ సీన్ లీకైంది.
ఈ సీన్ ని ఏకంగా 45రోజుల పాటు చిత్రీకరించబోతున్నట్టు సమాచారమ్. ఆ యాక్షన్ ఏపీసోడ్ ని జక్కన్న అదిరిపోయేలా ప్లాన్ చేశాడట. బహుశా.. ఈ సీన్ లో తారక్, చరణ్ లు తలపడే అవకాశాలున్నాయని చెబుతున్నారు. ఈ ఒక్క సీన్ కోసం భారీగా ఖర్చు పెట్టబోతున్నారు. ఇక, ఈ సినిమా ముందుగా తారక్ జాయిన్ కానున్నాడు. ఇందులో ఆయన విభిన్నమైన లుక్ కనిపిస్తారు. ఇప్పటికే అయన ఈ సినిమా కోసం శిక్షణ తీసుకొనే పనిలో ఉన్నారు. ఆ తర్వాత రామ్ చరణ్ షూటింగ్ లో జాయిన్ కానున్నాడు.
