బన్నీ కథతో నాని సినిమా !
విక్రమ్ కుమార్ దర్శకత్వంలో సెట్స్ మీదకు వెళ్లాల్సిన అల్లు అర్జున్ సినిమా క్యాన్సిల్ అయిన సంగతి తెలిసిందే. ఫైనల్ స్క్రిప్టుపై బన్నీ అసంతృప్తిని వ్యక్తం చేయడమే ఇందుకు కారణమని తెలిసింది. ఆ తర్వాత బన్నీ కోసం విక్రమ్ మరో కథని రెడీ చేసే పనిలో ఉన్నాడని వార్తలొచ్చియ్. ఇంతలో బన్నీ మరోసారి త్రివిక్రమ్ తో జతకట్టేందుకు రెడీ అయ్యాడు. ఇప్పటికే కథ ఓకే అయ్యింది. డిసెంబర్ లో ఈ సినిమా ప్రారంభం కానుందని చెబుతున్నారు.
ఈ నేపథ్యంలో విక్రమ్ కుమార్ నానితో ఓ సినిమా చేసేందుకు రెడీ అవుతున్నట్టు సమాచారమ్. ఇప్పటికే ఆయన నానిని కలిసి కథ వినిపించడం.. ఆయన ఓకే చెప్పడం అయిపోయాట. ప్రస్తుతం నాని ‘జెర్సీ’ సినిమాతో బిజీగా ఉన్నారు. ఈ సినిమా తర్వాత నాని విక్రమ్ సినిమా సెట్స్ మీదకు తీసుకెళ్లనున్నాడని చెబుతున్నారు. ఐతే, బన్నీ కోసం రెడీ చేసుకొన్న కథతోనే నాని సినిమా చేస్తున్నారా.. ? లేదంటే నాని కోసం విక్రమ్ కొత్త కథని రెడీ చేసుకొన్నాడా.. ?? అనేది తెలియాల్సి ఉంది.
