‘వినయ విధేయ రామ’ టీజర్ టాక్
అభిమానులు ఎప్పుడెప్పుడా అని ఎదురు చూస్తున్న మెగా పవర్ స్టార్ రామ్ చరణ్ ‘వినయ విధేయ రామ’ టీజర్ వచ్చేసింది. క్లాస్ టైటిల్ పెట్టినా.. ఊరమాస్ దర్శకుడు బోయపాటి మార్క్ ఎక్కడికిపోలేదని ఫస్ట్ లుక్ తోనే అర్థమైంది. కత్తి పట్టి కదన రంగంలోకి దూసుకెళ్తున్నట్టు ఫస్ట్ లుక్ లో కనిపించాడు చరణ్. ఇప్పుడు టీజర్ లో మాస్-యాక్షన్ తో అదరగొట్టాడు. దీనికి బోయపాటి మార్క్ డైలాగ్స్ తోడవ్వడంతో టీజర్ అదిరిపోయింది. చరణ్ ఖాతాలో మరో బ్లాక్ బస్టర్ పడబోతున్నట్టు టీజర్ తో హింట్ ఇచ్చేసింది.
* అన్నా వీడిని చంపేయాలా ? భయపెట్టాలా.. ?? భయపెట్టాలంటే పది నిమిషాలు. చంపేయాలంటే పావుగంట. ఏదైనా ఓకే. సెలక్ట్ చేసుకో
* అరేయ్ మద్యెం పరశురామ్ అయితే ఏంట్రా.. ఇక్కడ రామ్ కొ ణి దె ల.. అనే డైలాగ్స్ అదిరిపోయాయ్.
టీజర్ లోనే ముగ్గురి మార్క్ స్పష్టంగా కనబడింది. బోయపాటి మార్క్ యాక్షన్ లో చరణ్ ఒదిరిపోయాడు. దేవిశ్రీ ప్రసాద్ నేపథ్య సంగీతం గురించి ప్రత్యేకంగా చెప్పుకోవాలి. అది టీజర్ ని ఓ స్థాయికి తీసుకెళ్లింది. ఇక, సినిమాలో దేవిశ్రీ మరోసారి మేజిక్ చేయబోతున్నాడనే విషయంలో అనుమానం లేదు. మొత్తంగా.. వినయ విధేయ రామ టీజర్ అదిరిపోయింది.
