3 స్థానాలకు అభ్యర్థులని ప్రకటించిన సీపీఐ
తెలంగాణలో మహాకూటిమి భాగస్వామి పార్టీ సీపీఐకి మూడు స్థానాలు మాత్రమే దక్కిన సంగతి తెలిసిందే. దీనిపై ఆ పార్టీ కాస్త అంతృప్తితో ఉన్నా.. చివరికి కాంప్రమైజ్ కాకతప్పలేదు. హుస్నాబాద్, బెల్లంపల్లి, వైరా స్థానాలు దక్కాయి. ఇప్పుడీ స్థానాలకి గానూ ఆ పార్టీ అభ్యర్థులని ప్రకటించింది. హుస్నాబాద్ నియోజకవర్గం అభ్యర్థిగా చాడ వెంకట్ రెడ్డి, బెల్లంపల్లి నుంచి గుండా మల్లేశ్, వైరా నుంచి బానోతు విజయబాయ్ ని బరిలోకి దింపింది.
మహాకూటమి అభ్యర్థుల ప్రకటన మరో ఒకట్రెండు రోజుల్లో ముగయనుంది. ఇప్పటికే కాంగ్రెస్ మొత్తం రెండు జాబితాల్లో కలిపి 75స్థానాలకి గానూ అభ్యర్థులని ప్రకటించింది. తెలంగాణ తెలుగు దేశం 11స్థానాలకి గానూ అభ్యర్థులని ప్రకటించింది. మరో మూడు స్థానాలకు మాత్రమే అభ్యర్థులని ప్రకటించాల్సి ఉంది. సీపీఐ తమకి కేటాయించిన 3 స్థానాలకి అభ్యర్థులని ప్రకటించింది. ఇక, మిగిలి తెలంగాణ కాంగ్రెస్, టీజె ఎస్ లు మాత్రమే పూర్తి స్థాయిలో అభ్యర్థులని ప్రకటించాల్సి ఉంది. అది పూర్తయితే.. మహాకూటమి ఎన్నికల ప్రచారాన్నిముమ్మరం చేయనుంది.
