‘2.ఓ’లో ఖాతాలోకి చెన్నై రికార్డు

భారీ అంచనాల మధ్య గురువారం (నవంబర్ 29)న ప్రేక్షకుల ముందుకొచ్చిన శంకర్ ‘2.ఓ’ని మెగా బ్లాక్ బస్టర్ హిట్ గా తేల్చేశారు ప్రేక్షకులు. విడుదలైన అన్ని బాషల్లోనూ ఇదే టాక్. బాక్సాఫీసు ఆల్ టైం రికార్డులన్నీ ‘2.ఓ’ బద్దలు కొట్టడం ఖాయమని చెబుతున్నారు. తాజాగా, చైన్నై రికార్డుని బద్దలు కొట్టేసింది. తొలిరోజు కలెక్షన్స్’లో చైన్నై నగరంలో విజయ్ ‘సర్కార్’ టాప్ లో నిలిచింది. ఈ సినిమా 2.37 కోట్ల గ్రాస్ ను వసూలు చేసింది. ఇప్పుడీ రికార్డుని 2.ఓ తుడిచేసింది.

చైన్నై నగరంలో 2.ఓ తొలిరోజు రూ. 2.64 కోట్ల గ్రాస్ ను రాబట్టింది. ఇక, బాలీవుడ్ లో తొలిరోజు అత్యధిక వసూళ్లు రాబట్టి చిత్రంగా 2.ఓ రికార్డు సృష్టించింది. అక్కడ తొలి రోజు రూ. 25కోట్లు రాబట్టింది. హిందీలో 2.ఓని కరణ్ జోహార్ విడుదల చేశారు. ఈ సినిమా తొలిరోజు కలెక్షన్స్ పై కరణ్ సంతోషం వ్యక్తం చేశారు. ఇండస్ట్రీ ఆల్ టైమ్ బాక్సాఫీస్ రికార్డుస్ 2.ఓ బ్రేక్ చేసినట్టు కరణ్ ఓ ట్విట్ చేసిన సంగతి తెలిసిందే.