మహేష్ థియేటర్’లో అదొక్కటే లోపం !
సూపర్ స్టార్ మహేష్ థియేటర్ ప్రారంభమైంది. హైదరాబాద్ గచ్చిబౌలిలో ‘AMB’ పేరుతో మల్టీప్లెక్స్ థియేటర్స్ ను ఏర్పాటు చేసిన సంగతి తెలిసిందే. ఆదివారం మల్టీప్లెక్స్ ప్రారంభోత్సవం ఘనంగా జరిగింది. మహేష్ తండ్రి, సీనియర్ సూపర్ స్టార్ కృష్ణ థియేటర్ ని ప్రారంభించారు. ఈ కార్యక్రమంలో మహేష్ సతీమణి నమ్రత, మహేష్ బావ, ఎంపీ గల్లా జయదేవ్, దర్శకుడు రాంగోపాల్ వర్మ తదితరులు పాల్గొన్నారు.
ప్రారంభం రోజునే మహేష్ థియేటర్స్ లోని లోపాన్ని బయటపెట్టాడు రాంగోపాల్ వర్మ. “ఇప్పుడే ‘AMB’ చూశాను. ఐతే, దీంట్లో ఉన్న సమస్య ఏంటంటే.. ఈ సూపర్‌ప్లెక్స్‌కు తగ్గట్టు సినిమాలు రావడం అంటే కష్టం. ఈ థియేటర్ సూపర్ డూపర్‌ బ్లాక్‌బస్టర్‌’ అంటూ ట్వీట్‌ చేశాడు. అంతకుముందు మహేష్ లాగే ఆయన థియేటర్ అందంగా ఉందని వర్మ ట్విట్ చేసిన సంగతి తెలిసిందే.
ఇక, సినిమాల విషయానికొస్తే.. ప్రస్తుతం మహేష్ ‘మహర్షి’ సినిమాతో బిజీగా ఉన్నారు. వంశీపైడిపల్లి దర్శకత్వంలో తెరకెక్కుతోన్న చిత్రమిది. పూజా హెగ్డే హీరోయిన్. పివిపి-దిల్ రాజు -అశ్వినీ దత్ లు సంయుక్తంగా నిర్మిస్తున్నారు. వచ్చే యేడాది ఏప్రిల్ 5న మహర్షి ప్రేక్షకుల ముందుకురానుంది. మహర్షి తర్వాత సుకుమార్ దర్శకత్వంలో మహేశ్ సినిమా ఉండనుంది.
Legendary Superstar #Krishna Garu Inaugurated #AMBCinemas, A 7 Screen Multiplex in collaboration of Superstar #MaheshBabu & #AsianCinemas#AMBCinemasLaunch #AMB pic.twitter.com/E5ixp7AepJ
— Venkatesh V (@venkatesh_et) December 2, 2018
