‘వివిఆర్’ ప్రీ-రిలీజ్ వేడుకలో పవన్ నే హలైట్ !
వినయ విధేయ రాముడిగా సంక్రాంత్రికి ప్రేక్షకుల ముందుకు రాబోతున్నాడు రామ్ చరణ్. ఈ సినిమా ప్రీ-రిలీజ్ వేడుక గురువారం రాత్రి హైదరాబాద్ లో ఘనంగా జరిగింది. మరోసారి తండ్రికొడుకులు చిరంజీవి-రామ్ చరణ్ లని ఒకే వేదికపై చూసి మెగా అభిమానులు మురిసిపోయారు. తెరాస వర్కింగ్ ప్రెసిడెంట్ కేటీఆర్ రాకతో వేడుక మరింత గ్రాండ్ గా మారింది.
ఈ ఫంక్షన్ లో పవర్ స్టార్ పవన్ కళ్యాణ్ నే హైలైట్. అదేంటీ.. పవన్ రాలేదుగా. రాలేదు. రాకపోయినా ఫంక్షన్ లో పవన్ పేరు మారుమ్రోగిపోయింది. స్టేజ్ పైకి వచ్చిన ఏ ఒక్కరిని పవన్ అభిమానులు వదల్లేదు. పవన్ గురించి చెప్పాలిందేనని పట్టుబట్టారు. అభిమానులు అడక్కున్నా.. పవన్ స్నేహితుడు, దర్శకుడు త్రివిక్రమ్ పవన్ గురించి తనదైన స్టయిల్ లో చెప్పాడు.
ఆ తర్వాత మాట్లాడిన రామ్ చరణ్, మెగాస్టార్ చిరంజీవి.. చివరకు కేటీఆర్ ని కూడా పవన్ అభిమానులు వదల్లేదు. పవన్ సినిమాలు కూడా చేయాలి. సినిమాలు, రాజకీయాలు రెండింటిలోనూ పవన్ రాణించాలని కోరుకుంటున్నట్టు కేటీఆర్ తెలిపారు. అంతకుముందు మాట్లాడిన చరణ్ బాబాయ్ గురించి గొప్పగా మాట్లాడారు. పవన్ ప్రజల కోసం యుద్ధం చేస్తున్నాడు అంటూ జనసేన గుర్తు గ్లాజు గాజుని ప్రమోట్ చేసే ప్రయత్నం చేశాడు. మొత్తానికి వివిఆర్ ఫంక్షన్ లో పవన్ నే హైలైట్.
