బన్నీతో త్రివిక్రమ్ సినిమా ఫిక్స్
త్రివిక్రమ్ దర్శకత్వంలో అల్లు అర్జున్ సినిమా ఫిక్సయ్యింది. ఈ మేరకు అధికారిక ప్రకటన వచ్చేసింది. ఈ సినిమాని గీతా ఆర్ట్స్, హారిక అండ్ హాసిని క్రియేషన్స్ సంయుక్తంగా నిర్మించనున్నాయి. సినిమాని జనవరిలో ప్రారంభించబోతున్నట్టు నిర్మాతలు అల్లు అరవింద్, రాథాకృష్ణలు ఓ ప్రకటన విడుదల చేశారు. సినిమాకి సంబంధించిన పూర్తి వివరాలను త్వరలో తెలియజేస్తామని ఆ ప్రకటనలో పేర్కొన్నారు.
బన్నీ నటించనున్న 19వ చిత్రమిది. కాగా, త్రివిక్రమ్ – బన్నీల కలయికలో రాబోతున్న హ్యాట్రిక్ సినిమా ఇది. గతంలో వీరి కలయికలో వచ్చిన జులాయ్, సన్నాఫ్ సత్యమూర్తి సినిమాలు సూపర్ హిట్ గా నిలిచాయి. వాటిని మించేలా బన్నీ-త్రివిక్రమ్ ల హ్యాట్రిక్ చిత్రం ఉండబోతుందని చెబుతున్నారు. ఇప్పటికే ఈ సినిమా ప్రీ-ప్రొడక్షన్ కార్యక్రమాలని పూర్తి చేసుకొంది. జనవరిలో సినిమా ప్రారంభోత్సవ కార్యక్రమం.. అదే నెలలో సినిమా రెగ్యూలర్ షూటింగ్ ప్రారంభం కానుందని తెలుస్తోంది.
స్టైలిష్ స్టార్ అల్లు అర్జున్, స్టార్ డైరెక్టర్ త్రివిక్రమ్ కాంబినేషన్ లో గీత ఆర్ట్స్ అల్లు అరవింద్, హారిక హాసిని చినబాబు నిర్మిస్తున్న భారీ చిత్రం జనవరి లో ప్రారంభం #AA19 @alluarjun #Trivikram @GeethaArts @haarikahassine pic.twitter.com/ueT8jw1qqt
— BARaju (@baraju_SuperHit) December 31, 2018
