కన్నడ స్టార్ యష్ కి సొంత ఇల్లు కూడా లేదా.. ?

కన్నడనాట వరుస బ్లాక్ బస్టర్ హిట్స్ తో దూసుకెళ్తున్నాడు యంగ్ హీరో యశ్. ఆయన నటించిన ‘కేజీయఫ్’ ఇటీవలే ప్రేక్షకుల ముందుకొచ్చి సూపర్ హిట్ అయ్యింది. బాలీవుడ్ లోనూ హవా చూపించింది. ఏకంగా బాలీవుడ్ సూపర్ స్టార్ షారుక్ ఖాన్ ‘జీరో’తో పోటీ పడింది. అక్కడ ‘జీరో’ని మించి కలెక్షన్స్ సాధించింది. ఇతర బాషల్లో అత్యధిక వసూళ్లు సాధించిన కన్నడ సినిమాగా రికార్డులు సృష్టించింది. తెలుగులోనూ కేజీయఫ్ కి మంచి కలెక్షన్స్ నే వచ్చాయి.

ఈ విషయం పక్కనపెడితే.. ఈ సన్సెషన్ హీరో దర్శకధీరుడు రాజమౌళి దృష్టిలో పడిపోయాడు. తారక్, చరణ్ లతో రాజమౌళి తీస్తున్న మల్టీస్టారర్ #ఆర్ఆర్ఆర్ లోనూ యష్ కీలక పాత్రలో కనిపించబోతున్నట్టు సమాచారమ్. ఇప్పటికే ఆర్ఆర్ఆర్ కోసం యశ్ శిక్షణ కూడా తీసుకొంటున్నారు. త్వరలోనే ఆర్ఆర్ఆర్ యష్ నటిస్తుండటంపై జక్కనపై ప్రకటన రాబోతుందని చెప్పుకొంటున్నారు.

సినిమాల విషయానికొస్తే.. ఇంత వరకు యశ్ కి సొంత ఇల్లు లేనట్టు సమాచారం. యష్ కుటుంబం ఉంటున్న అద్దె ఇల్లు విషయంలో వివాదం నెలకొని.. అది కాస్త కోర్టు వరకు వెళ్లిన సంగతి తెలిసిందే. బనశంకరి మూడవస్టేజీలోని ఆరవ బ్లాక్‌లో నెలకు రూ.40 వేలు చెల్లిస్తూ యశ్‌ కుటుంబం అద్దెకు ఉంటోంది. ఈ నేపథ్యంలో 2015లో ఈ ఇంటిని ఖాళీ చేయాలని యజమానులైన మునిప్రసాద్, వనజా దంపతులు కోరారు. ఐతే, అందుకు యష్ తల్లి ఒప్పుకోవడం లేదు.

ఇంటి రిపేరు కోసం తాము రూ.12.50 లక్షలు ఖర్చు పెట్టామని వాదించారు. వీటిని అద్దెలో కట్ చేసుకోవాలని కోరారు. దీనిపై ఆమె బెంగళూరు సివిల్ కోర్టును ఆశ్రయించిన లాభం లేకపోయింది. ఇంటి యజమానులకు బాకీ పడ్డ రూ.23 లక్షల అద్దెను 2019, మార్చి 31లోగా చెల్లించి, ఇంటిని ఖాళీ చేయాలని కోర్టు ఆదేశించింది. ఇల్లు వివాదం పక్కన పెడితే.. వరుసగా బ్లాక్ బస్టర్ హిట్స్ కొడుతున్న యశ్ కి సొంత ఇల్లు కూడా లేదనే న్యూస్ ఆశ్చర్యానికి గురి చేస్తోంది.