కాజల్ నోరు జారింది

కాలు జారినా.. నోరు జారినా ఒకటే అంటుంటారు. ఈ రెండింటినీ వెనక్కి తీసుకోలేం. ఇప్పుడు కాజల్ నోరు జారింది. తేజ సినిమా టైటిల్ ని చెప్పేసింది. తేజ దర్శకత్వంలో బెల్లకొండ శ్రీనివాస్ – కాజల్ జంటగా ఓ సినిమా తెరకెక్కుతోన్న సంగతి తెలిసిందే. ఈ సినిమా కోసం ‘సీత’ టైటిల్ ప్రచారంలో ఉంది. ఈ టైటిల్ ఇంకా చిత్రబృందం అధికారికంగా ప్రకటించలేదు. ఓ మంచి టైం చూసి టైటిల్ పోస్టర్ ని వదలాలని భావిస్తున్నారు. ఇంతలో కాజల్ తేజ సినిమా టైటిల్ ‘సీత’ అని చెప్పేసింది.

అక్కడి ఆగకుండా ‘సీత’ మార్చి నెలలో ప్రేక్షకుల ముందుకు రానుందని తెలిపింది. తిరుపతిలో ఓ కార్యక్రమానికి హాజరైన కాజల్ ఈ విధంగా నోరు జారింది. దర్శకుడు తేజకి తలనొప్పులు తీసుకొచ్చింది. టైటిల్ పోస్టర్ తోనే సినిమాకు ఫుల్లుగా పబ్లిసిటీ తీసుకొచ్చే ట్రెండు టాలీవుడ్ లో కొనసాగుతోంది. ఇప్పుడా అవకాశం తేజ ‘సీత’కి దక్కకుండా చేసింది కాజల్. మరీ.. కాజల్ అత్స్యుహంపై తేజ ఏవిధంగా స్పందిస్తారన్నది ఆసక్తిగా మారింది. ఆమెని క్షిమించేస్తాడా.. ? ఫైన్ వేసి పారితోషికం కట్ చేస్తారా.. ?? చూడాలి.. !