సిడ్నీ టెస్టు : పుజారా, పంత్ సెంచరీలు

సిడ్నీ టెస్టులో టీమిండియా అదరగొడుతోంది. స్కోర్ బోర్డు 500 దాటేసింది. ప్రస్తుతం టీమిండియా 6 వికెట్ల నష్టానికి 546 పరుగులతో ఆటని కొనసాగిస్తోంది. రిషభ్ పంత్ (122 నాటౌట్ ) దూకుడుగా ఆడుతున్నాడు. ఆయనకి తోడు రవీంద్ర జడేజా 46 పరుగులతో క్రీజ్ లో ఉన్నారు. అంతకుముందు ఓపెనర్ పుజారా (193) తృతిలో డబుల్ సెంచరీ చేజార్చుకొన్నారు. పుజారా 373 బంతులను ఎదర్కొని 22 ఫోర్లతో 193 పరుగులు చేసి లయన్ బౌలింగ్ లో కాట్ అండ్ బౌల్డ్ గా ఔటయ్యాడు.

ఇప్పటికే నాల్గో టెస్ట్ టీమిండియా చేతికి వచ్చేసింది. మరికొద్దిసేపట్లో టీమిండియా తొలి ఇన్నింగ్స్ ని డిక్లేర్ చేసే అవకాశం ఉంది. ఇవాళే ఆసీస్ ని బ్యాటింగ్ ఇచ్చి.. ఒకట్రెండు వికెట్లు పడగొట్టి.. మరింత ఒత్తిడి పెంచే అవకాశం ఉందని తెలుస్తోంది.