పంత్’పై పాట.. వైరల్ !
ఆస్ట్రేలియా పర్యటనలో టీమిండియా యువ వికెట్‌ కీపర్‌ రిషభ్‌ పంత్ బోలెడంత క్రేజ్‌ సంపాందించాడు. ఇటు ఆట, అటు తన ప్రవర్తనతో ప్రేక్షకుల మనసు దొచేస్తున్నారు. ఆసీస్ కెప్టెన్‌ టిమ్‌పైన్‌తో స్లెడ్జింగ్‌ అయితే ఏకంగా హీరోనే చేసింది. మైదానంలో సరదాగా.. నా పిల్లలను ఆడిస్తావా ? అన్న పైన్‌ మాటలను నిజం చేస్తూ.. పంత్ వారి పిల్లలను ఎత్తుకుని లాలించాడు. దానికి సంబంధించిన ఫోటోలు సోషల్ మీడియాలో వైరల్ గా మారాయి.
ఇక సిడ్నీలో టెస్ట్‌లో పంతం విశ్వం రూపం చూపించాడు. 189 బంతుల్లో 159 పరుగులు చేసి తన సత్తా చాటాడు. రెండో రోజు పంత్ ఆడుతున్నప్పుడు టీమిండియా అభిమానులు ఓ పాట పాడారు. ఇంగ్లిష్‌ చరణాలకు లయబద్ధంగా వాద్యాలను వాయించారు. ఆ డప్పు, గజ్జెల చప్పుళ్ల మధ్య పాట వినడానికి చాలా బాగుంది. ఆ ఇంగ్లిష్‌ చరణాలను మనం తెలుగులో అనువదిస్తే..
‘మాకు పంత్ దొరికాడు
రిషభ్‌ పంత్ దొరికాడు
మీకు అర్థం కాకపోవచ్చు
అతడు సిక్సర్‌ బాదగలడు
మీ పిల్లల్ని చూసుకోగలడు
మాకు రిషభ్‌ పంత్ దొరికాడు’
ఇప్పుడీ పాట సోషల్ మీడియాలో వైరల్ గా మారింది. రెండో రోజు ఆటలో భాగంగా డ్రింక్స్‌ బ్రేక్‌ సమయంలో పంత్ చేసిన ఓ సర్కస్‌ ఫీట్‌.. ఇప్పుడు సోషల్ మీడియాలో హల్‌చల్‌ చేస్తోంది. ఇది డబ్ల్యూడబ్ల్యూ స్టార్‌ షాన్‌ మైకెల్స్‌ రింగ్‌లో చేసిన ఫీట్‌లా ఉందని నెటిజన్లు అభిప్రాయపడుతున్నారు.
