మహేష్ కాదని ఎన్టీఆర్’తో.. !
‘అర్జున్ రెడ్డి’ దర్శకుడు సందీప్ రెడ్డి వంగా సూపర్ స్టార్ మహేష్ ని కాదని యంగ్ టైగర్ ఎన్టీఆర్ సినిమా చేయబోతున్నాడా.. ? అనే అనుమానాలు కలుగుతున్నాయి. మహేష్ తో సందీప్ ఓ సినిమా చేయబోతున్నాడనే ప్రచారం జరిగింది. త్వరలో గీతా ఆర్ట్స్ బ్యానర్ లో మహేష్ చేయబోయే సినిమాకి సందీప్ నే దర్శకుడు అని చెప్పుకొంటున్నారు. ఇలాంటి సమయంలో సందీప్ తారక్ కి ఓ కథ.. ఓకే చేసుకోవడం చర్చనీయాంశంగా మారింది.
ఇటీవలే సందీప్ తారక్ ని కలిసి ఓ లైన్ ని చెప్పాడట. అది తారక్ కి బాగా నచ్చేసింది. దీంతో పూర్తి స్క్రిప్టుని రెడీ చేయమని కోరాడట. ఇదో ప్రేమకథా చిత్రమని చెబుతున్నారు. ఈ నేపథ్యంలో మహేష్ తో సందీప్ సినిమా ఉంటుందా.. ? లేదంటే తారక్ కోసం మహేష్ సినిమాని వదిలేస్తాడా ? అన్నది తెలియాల్సి ఉంది. ప్రస్తుతం మహర్షి సినిమాతో బిజీగా ఉన్న మహేష్.. ఆ తర్వాత సుకుమార్ దర్శకత్వంలో ఓ సినిమా చేయబోతున్నాడు. ఆ తర్వాత గీతా ఆర్ట్స్ బ్యానర్ లో మహేష్ సినిమా ఉండే ఛాన్స్ ఉంది.
