భ్రమరాంబ థియేటర్’లో బాలయ్య సందడి !
‘ఎన్టీఆర్-కథానాయకుడు’ థియేటర్స్ దగ్గర పండగ వాతావరణం కనిపిస్తోంది. ఫ్లెక్సీలు, కటౌట్స్, బ్యానర్స్ తో థియేటర్స్ ని అందంగా ముస్తాబు చేశారు. నందమూరి అభిమానులు అర్థరాత్రి నుంచి థియేటర్స్ దగ్గర పండగ చేసుకోవడం ప్రారంభించారు. ఇప్పటికే ‘ఎన్టీఆర్-కథానాయకుడు’ బెనిఫిట్ షోస్ పడిపోవడం.. సూపర్ హిట్ అంటూ పబ్లిక్ టాక్ రావడంతో అభిమానులు సెలబ్రేషన్స్ లో మునిగిపోయారు.
హైదరాబాద్ కూకట్ పల్లి థియేటర్స్ లో ఎన్టీఆర్ కథానాయకుడు చూసేందుకు వచ్చిన ప్రేక్షకుల ఆనందం మాత్రం డబుల్ అయ్యింది. ఈ థియేటర్స్ లోనే చిత్రబృందం కూడా సినిమా చూసింది. దర్శకుడు క్రిష్, కళ్యాణ్ రామ్, హీరోయిన్ విద్యాబాలన్ లతో కలిసి బాలయ్య సినిమా చూశారు. అంతకుముందు బాలయ్య థియేటర్ కి వచ్చే సమయంలో అభిమానులు చేసిన హంగామా అంతా ఇంతా కాదు.
టపాసులు పేలుస్తూ బాలయ్యకు ఘన స్వాగతం పలికారు. బాలయ్య కారుదిగగానే జై బాలయ్య నినాదాలతో థియేటర్స్ పరిసరాలు మారుమ్రోగిపోయాయి. అభిమానులకి అభివాదం చేస్తూ థియేటర్స్ కి వెళ్లిన బాలయ్య చిత్రబృందంతో కలిసి సినిమా చూస్తున్నారు. షో పూర్తయిన తర్వాత బాలయ్య మీడియాతో మాట్లాడే అవకాశం ఉంది.
