కాజల్ మొదటిరోజే చూపించేసింది !

హీరోయిన్ కాజల్ అందాలని ఒక్కో దర్శకుడు ఒక్కో విధంగా వాడుకొన్నారు. దర్శకుడు తేజ ‘లక్ష్మీ కళ్యాణం’ సినిమాతో కాజల్ ని తెలుగు తెరకు పరిచయం చేశారు. ఆ తర్వాత దర్శకుడు కృష్ణవంశీ కాజల్ ని చందమామని చేశాడు. ఈ చందమామని స్టార్ హీరోయిన్ ని చేసిన ఘనత మాత్రం దర్శకధీరుడు రాజమౌళిదే. ‘మగధీర’ సినిమాతో కాజల్ టాలీవుడ్ స్టార్ హీరోయిన్స్ లిస్టులో చేరిపోయింది. ఇక, అక్కడి నుంచి కాజల్ కి తిరిగి చూసుకొనే పరిస్థితి రాలేదు.

ఆ మధ్య కాజల్ జోరు కాస్త తగ్గినట్టు కనిపించినా.. తిరిగి పుంజుకొంది. మెగాస్టార్, పవర్ స్టార్ సినిమాల్లో నటించింది. ఆ తర్వాత వరుసగా యంగ్ హీరోల సినిమాల్లోనూ అవకాశం దక్కించుకుంటోంది. ఈ క్రమంలో కాజల్ కి బిగ్ ఆఫర్ వచ్చిపడింది. అదే ‘ఇండియన్ 2’. శంకర్ దర్శకత్వంలో తెరకెక్కుతోన్న ఈ సినిమా రెగ్యూలర్ షూటింగ్ శుక్రవారం ప్రారంభం అయ్యింది. హీరోయిన్స్ గ్లామర్ గా చూపించడంలో శంకర్ ది ప్రత్యేకమైన శైలి.

ఈ నేపథ్యంలో కాజల్ ని శంకర్ ఏవిధంగా చూపించబోతున్నాడనే ఆసక్తి నెలకొంది. ఐతే, షూటింగ్ ప్రారంభమైన మొదటి రోజునే కాజల్ ఫోటోలు బయటికొచ్చాయ్. ఇందులో కాజల్ మెరిసిపోతుంది. శంకర్ సినిమా అనగానే కాజల్ అందం రెట్టింపైనట్టు కనబడుతోంది. ఇప్పుడీ ఫోటోలు సోషల్ మీడియాలో హల్ చల్ చేస్తున్నాయి. వాటిపై మీరు ఓ లుక్కేయండీ.. !