‘మణికర్ణిక’లో సోనూసూద్ వీడియో లీక్
కంగనా ప్రధాన పాత్రలో నటించిన చిత్రం ‘మణికర్ణిక : ది క్వీన్‌ ఆఫ్‌ ఝాన్సీ’. ఇందులో కంగన ఝాన్సీ లక్ష్మీబాయి పాత్రను పోషించారు. క్రిష్ సినిమాకు దర్శకత్వం వహించారు. ఇటీవలే ప్రేక్షకుల ముందుకొచ్చిన ఈ చిత్రం బాక్సాఫీస్ దగ్గర అదరగొడుతోంది. కేవలం 4 రోజుల్లోనే దాదాపు రూ. 50కోట్లు వసూలు చేసి సత్తా చాటుతోంది.
ఈ సినిమాలో సోనూసూద్ ‘సదాశివ్‌’ పాత్రలో నటించిన సంగతి తెలిసిందే. ఐతే, తన పాత్ర నిడివిని కట్‌ చేయడం వల్ల సోనూ ఆ ప్రాజెక్టు నుంచి తప్పుకున్నారు. 45 రోజులు షూటింగ్‌లో పాల్గొన్న తర్వాత వైదొలిగారు. దర్శకుడు క్రిష్, సోనూసూద్ దాదాపు ఒకేసారి సినిమా నుంచి తప్పుకొన్నారు. ఆయన వైదొలిగిన తర్వాత ఆ పాత్రలో మహ్మద్‌ జీషన్‌ అయుద్‌ నటించారు.
తాజాగా, మణికర్ణికలో సోనూసూద్ పాత్రకు సంబంధించిన వీడియో లీక్ అయ్యింది. అందులో సోనూ పవర్‌ఫుల్‌ ప్రతినాయకుడి పాత్రలో కనిపించారు. కుస్తీలో మరోవ్యక్తిని ఓ పట్టుపడుతూ ఉన్న ఈ వీడియో సోషల్‌మీడియాలో వైరల్‌ అవుతోంది.
