బాలీవుడ్ హీరోకు భార్య కాబోతున్న కీర్తి సురేష్

హీరోయిన్ కీర్తి సురేష్ బాలీవుడ్ హీరోకి భార్య కాబోతుంది. అలాగని ఆమె బాలీవుడ్ హీరోని పెళ్లాడబోతుంది అనుకొనేరూ.. ! బాలీవుడ్ లో బయోపిక్ ల హవా కొనసాగుతోన్న సంగతి తెలిసిందే. ఈ క్రమంలోనే భారత ఫుట్‌బాల్ కోచ్ సయ్యద్ అబ్దుల్ రహీం బయోపిక్
తెరకెక్కుతోంది. భారతీయ ఫుట్‌బాల్ క్రీడకు స్వర్ణయుగంగా మారిన సమయంలో జాతీయ ఫుట్ బాల్ జట్టుకు సయ్యద్ అబ్దుల్ రహీం కోచ్‌గా, మేనేజర్‌గా ఉన్నారు. ఆయన సారథ్యంలో భారత జట్టు అంతర్జాతీయ పోటీలలో సత్తా చాటింది.

ఇప్పుడాయన జీవితకథ సినిమాగా తెరకెక్కుతోంది. ఈ బయోపిక్ కు అమిత్ శర్మ దర్శకత్వం వహిస్తున్నారు. సయ్యద్ అబ్దుల్ రహీంగా అజయ్ దేవగన్ నటిస్తున్నారు. ఆయన భార్య పాత్ర కోసం కీర్తి సురేష్ ని తీసుకొన్నారు. దీనిపై కీర్తి సురేష్ స్పందించారు. ‘ఛాలెంజింగ్ పాత్రల్లో నటించడం అంటే నాకు చాలా ఇష్టం. భారతీయ చరిత్రలో సయ్యద్ అబ్దుల్ రహీం కథ మరుగున పడిన చాప్టర్. నన్ను ఈ సినిమాలో నటించమని అడిగిన చిత్ర నిర్మాతలకు రుణపడి ఉంటా’నన్నారు.