చరణ్ స్థానంలో మహేష్’ని తీసుకోవాల్సింది.. !!
ఎన్టీఆర్, రామ్ చరణ్ కథానాయకులుగా రాజమౌళి మల్టీస్టారర్ ‘ఆర్ఆర్ఆర్’ తెరకెక్కుతోన్న సంగతి తెలిసిందే. ఈ సినిమా విశేషాలని రాజమౌళి మీడియాకు వివరించారు. ఇది ఫ్రీడమ్ ఫైటర్స్ అల్లూరి సీతారామ రాజు, కొమరం భీమ్’ల కథ. వీరిద్దరు సమకాలీకులు.
వీరిద్దరి కథల్లోని ఓ కామన్ పాయింట్ ఆధారంగా ‘ఆర్ఆర్ఆర్’ తెరకెక్కుతోందని జక్కన్న తెలిపారు. అల్లూరిగా రామ్ చరణ్, కొమరం భీమ్ గా ఎన్టీఆర్ కనిపించనున్నారు. ఐతే, అల్లూరి పాత్ర కోసం మహేష్ బాబుని తీసుకోవచ్చు కదా అనే ప్రశ్న జక్కన్నకు ఎదురైంది.
అల్లూరి సీతారామరాజుగా సూపర్ స్టార్ కృష్ణ నటించారు. సహజంగా ఇప్పట్లో మళ్లీ అల్లూరి పాత్ర అనగానే మహేష్ బాబు చేస్తే బాగుంటుందని అనిపిస్తుంటుంది. అలాంటిది మీరు అల్లూరి పాత్ర కోసం మహేష్ ని తీసుకోకుండా రామ్ చరణ్ నే ఎందుకు తీసుకొన్నారని ఓ మీడియా ప్రతినిధి రాజమౌళిని ప్రశ్నించారు. దానికి జక్కన్న ఆసక్తికర సమాధానం తెలిపారు. ఓ సారి మహేష్ సినిమా ఫంక్షన్ కి వెఌతే అభిమానులు మహేష్ తో సినిమా ఎప్పుడు చేస్తారని ప్రశ్నించారు. చేస్తాను.. మహేష్ తో ఎలాంటి సినిమా చేయాలని అడిగితే.. ఎవరు అల్లూరి సీతారామారాజు అని చెప్పలేదు. మహేష్’ని జేమ్స్ బాండ్ గా చూపించాలని కోరారని తెలిపారు.
