కామ్రేడ్ రౌడీ.. రొమాంటిక్ కూడా.. !
టాలీవుడ్ యంగ్ హీరో విజయ్ దేవరకొండ చేసిన ప్రతి సినిమాలోనూ ప్రేక్షకులకి షాక్ ఇస్తున్నాడు. ‘అర్జున్ రెడ్డి’ సినిమాలో విజయ్ నటన ప్రేక్షకులకి షాక్ ఇచ్చింది. ఆ తర్వాత ‘గీత గోవిందం’లో అందుకు భిన్నంగా కనిపించి మరోసారి షాక్ ఇచ్చాడు. ‘టాక్సీవాలా’లో తనకి భయపడటం కూడా వచ్చని చూపించాడు. ప్రస్తుతం విజయ్ ‘డియర్‌ కామ్రేడ్’ సినిమాలో నటిస్తున్నాడు. ఈ చిత్రానికి కొత్త దర్సకుడు భరత్ కమ్మ దర్శకత్వం వహిస్తున్నారు. రష్మిక మందన హీరోయిన్. మైత్రీ మూవీస్ నిర్మిస్తోంది. మే31 న సినిమా రానుంది.
తాజాగా, ఈ సినిమా టీజర్ వచ్చేసింది. టీజర్ ని చూస్తే విజయ్ మరోసారి షాక్ ఇచ్చేలా కనిపిస్తున్నాడు. దాదాపు ఒక్క నిమిషం నివిడిగల టీజర్ అదిరిపోయింది. కాలేజీ గొడవలతో టీజర్ మొదలైంది. ఈ గొడవల్లో విజయ్ నటన అర్జున్ రెడ్డిని తలపిస్తాయి. ఆయన రౌడీ ఇమేజ్ కి సరిగ్గా సరిపోయే సీన్స్ ఇవి. ఆ రౌడీ వేషాలు కొనసాగుతుండగానే.. సడెన్ గా ఓ రొమాంటిక్ సీన్. రస్మికని పెదాలని జుర్రేసుకొనే సీన్. అది అదిరిపోయింది. మొత్తంగా.. కామ్రేడ్ రౌడీయే కాదు.. రొమాంటిక్ గా కనిపిస్తున్నాడు. ఈ రొమాంటిక్ రౌడీ నటన ఈసారి ప్రేక్షకులకి గట్టి షాక్ ఇచ్చేలా అనిపిస్తోంది.
