బెంగళూరుపై సన్ రైజర్స్ భారీ విజయం

బెంగళూరుపై సన్‌రైజర్స్‌ హైదరాబాద్‌ ఘన విజయం సాధించింది. ఏకంగా 118 పరుగుల తేడాతో బెంగళూరుని ఓడించింది. టాస్‌ గెలిచి బౌలింగ్‌ ఎంచుకున్న రాయల్‌ ఛాలెంజర్స్‌కు హైదరాబాద్‌ ఓపెనర్లు చుక్కలు చూపించారు. డేవిడ్‌ వార్నర్‌ (55 బంతుల్లో 100), బెయిర్‌స్టో (56 బంతుల్లో 114) ఇద్దరూ శతకాలతో చెలరేగడంతో హైదరాబాద్‌ 231 పరుగుల భారీ స్కోర్‌ చేసింది.

అనంతరం బ్యాటింగ్‌కు దిగిన రాయల్‌ ఛాలెంజర్స్‌ ఏ దశలోనూ గెలిచేలా కనిపించలేదు. ఓపెనర్లతో పాటు కోహ్లీ, డివిలియర్స్‌ విఫలమయ్యారు. సన్‌రైజర్స్‌ బౌలర్‌ నబీ ధాటికి బెంగళూరు బ్యాట్స్‌మెన్‌ ఇలా వచ్చి అలా వెళ్లారు. ఆరు ఓవర్లకే 36 పరుగులకు ఆరు వికెట్లు కోల్పోయింది. 113 పరుగులకే ఆలౌట్ అయింది. ఇది బెంగళూరు వరుసగా మూడో ఓటమి. కాగా, సన్ రైజర్స్ కి ఇది వరస గా రెండో విజయం.