నాని ప్రేమలో సమంత.. !

నేచురల్ స్టార్ నానితో సమంత రెండు సార్లు ప్రేమలో పడింది. అది సామ్ పెళ్లికి ముందు. ఎటో వెళ్లిపోయింది మనసు, ఈగ సినిమాల్లో నాని-సమంత జంటగా నటించారు. రెండింటిలో లవ్వర్స్ గా కనిపించారు. రొమాన్స్ చేసుకొన్నారు. వీరిద్దరు మరోసారి జంటగా నటించబోతున్నట్టు సమాచారమ్. నాని-సుధీర్ బాబు హీరోలుగా ఇంద్రగంటి మోహన కృష్ణ ఓ సినిమా ప్లాన్ చేసిన సంగతి తెలిసిందే.

ఈ చిత్రానికి దిల్ రాజు నిర్మించనున్నారు. ఇందులో నాని నెగటివ్ షేడ్స్ ఉన్న పాత్రలో కనిపిస్తారట. ఈ సినిమాలో హీరోయిన్స్ గా నివేదా థామస్, అతిథి రావు హైదరి పేర్లు వినిపించాయి. నాని జంటగా అతిథిగా, సుధీర్ బాబు జంటగా నివేదా నటిస్తారని ప్రచారం జరిగింది. ఐతే, ఇప్పుడు అతిథి స్థానంలో సమంతని తీసుకొన్నట్టు తెలుస్తోంది. ఇదే నిజమైతే.. నాని-సామ్ మరోసారి జతకట్టినట్టే.

వాస్తవానికి ’96’ తెలుగు రిమేక్ కోసం మొదట నాని-సామ్ ల పేర్లే వినిపించాయి. ఆ తర్వాత నాని స్థానంలో శర్వానంద్ ని తీసుకొన్నారు. త్వరలోనే ఈ సినిమా సెట్స్ మీదకు వెళ్లనుంది. తెలుగు 96 మిస్సయినా.. నాగ్-సామ్ లని ఇంద్రగంటి సినిమా కలిపేలా ఉంది. ఇక, సామ్-చై జంటగా నటించిన మజిలీ ఈ వారమే (ఏప్రిల్ 5) ప్రేక్షకుల ముందుకు రానుంది.