విషాదం : మహిళా క్రికెటర్ మృతి

రోడ్డు ప్రమాదంలో దక్షిణాఫ్రికా మాజీ మహిళా క్రికెటర్ ఎల్‌రీసా తునీస్సెస్ ఫౌరీ మృతి చెందారు. శుక్రవారం సౌతాఫ్రికా మైనింగ్ సిటీ స్లిల్‌ఫౌంటెన్ మార్గంలో వెళ్లేటప్పుడు ఆమె కారు ప్రమాదానికి గురైంది. ఈ ప్రమాదంతో ఎల్ రీసా, ఆమె కూతురు తీవ్రంగా గాయపడ్డారు. ఆసుపత్రిలో చికిత్స పొందుతూ తల్లీకూతుళ్లు ఇద్దరు మృతి చెందారు. ఈ ఘటనతో క్రికెట్ ప్రపంచంలో విషాదం నెలకొంది.

ఎల్‌రీసా ఆల్‌రౌండర్‌. దేశవాళీ క్రికెట్‌లో నార్త్‌వెస్ల్ డ్రాగన్స్‌కు ప్రాతినిథ్యం వహించిన ఎల్‌రీసా శ్రీలంకతో జరిగిన వన్డే మ్యాచ్‌లో అంతర్జాతీయ మ్యాచ్‌లలో అరంగేట్రం చేశారు. మొత్తం మూడు వన్డేలు. ఒక టీ20 ఆడింది. 2013లో సొంతగడ్డపై బంగ్లాదేశ్‌తో జరిగిన మ్యాచ్‌లో ఆమె చివరిసారిగా ఆడారు.