సైకిల్ కి ఓటేస్తే ఫ్యాన్ కు పడుతుంది

ఈవీఎంలపై తెలుగుదేశం పార్టీ మొదటి నుంచి అభ్యంతరం వ్యక్తం చేస్తోంది. పోలింగ్ రోజున కూడా ఈవీఎంలపై ఎన్నికల సంఘానికి ఫిర్యాదు చేసింది. ఈ మేరకు టీడీపీ అధినేత, ముఖ్యమంత్రి చంద్రబాబు ఎన్నికల సంఘానికి లేక రాశారు. పోలింగ్ ప్రారంభించి 3 గంటలైనా 30 శాతం ఈవీఎంలు పనిచేయక పోవడంపై ఆయన అభ్యంతరం వ్యక్తంచేశారు.

తెలుగుదేశానికి వేసే ఓటు వైకాపాకి వెళ్తోందని ఫిర్యాదులు వస్తున్నాయని లేఖలో పేర్కొన్నారు. ఈవీంఎంల పనితీరుపై రాష్ట్రవ్యాప్తంగా ఓటర్లు ఆందోళన చెందుతున్నారు. ఎన్నికల సంఘం దీనిపై హుటాహుటిన స్పందించి చర్యలు తీసుకోవాలన్నారు. పోలింగ్‌ ఆలస్యమైన చోట్ల రీపోలింగ్‌ నిర్వహించాలని ఆయన డిమాండ్‌ చేశారు.