వేగం, వైవిధ్యం.. నాని సొంతం !

యేడాదికి మూడ్నాలుగు సినిమాలు. చేసినవన్నీ సూపర్ హిట్టే. ఇదీ నేచురల్ స్టార్ నాని తీరు. గత ఏడాది మాత్రం నానికి అస్సలు కలిసి రాలేదు. ‘కృష్ణార్జున యుద్ధం’తో పాటు ‘దేవదాస్‌’ కూడా కమర్షియల్‌గా ఆడలేదు. దీంతో నాని త్వరగానే రియలైజ్‌ అయ్యాడు. రెగ్యులర్‌ కథలు మానేసి వైవిధ్యం వున్న కథలని ఎంచుకోవడం మొదలెట్టాడు. ‘జెర్సీ’లో అందులో భాగంగా చేసిన సినిమానే. ఇందులో మిడిల్‌ ఏజ్‌ క్యారెక్టర్‌ చేశాడు. ఈ సినిమా ట్రైలర్ చూస్తే.. ‘జెర్సీ’ ఎంత వైధ్యమైన సినిమానో అర్థమవుతోంది.

విక్రమ్ కె కుమార్ దర్శకత్వంలో నాని చేస్తున్న ‘గ్యాంగ్‌లీడర్‌’ వైధ్యమైన సినిమాయే. ఇందులో అదిరిపోయే ట్విస్టులో ఉండనున్నాయట. ఈ రెండు చిత్రాలు సెట్స్ మీదుండగానే మరో రెండు సినిమాలని నాని ఓకే చేశాడు. వాటికి సంబంధించిన వివరాలు త్వరలోనే ప్రకటించనున్నారు. వైవిధ్యభరిత సినిమాలు చేసేటప్పుడు టైం పడుతుంది. యేడాదికి ఒకటి, రెండు కంటే ఎక్కువ చేయలేరు. నాని మాత్రం వైవిధ్యంతో పాటు వేగాన్ని చూపిస్తున్నారు. ఇందుకు నానిని మెచ్చుకోవాల్సిందే.