టెన్షల్’లో ఎన్టీఆర్ అభిమానులు

దర్శకధీరుడు రాజమౌళి ఎన్టీఆర్ అభిమానులని టెన్షన్ లో పెట్టారు. #RRR సినిమాలో తారక్, చరణ్ లకి సమాన ప్రాధాన్యత ఉంటుందని మొదటి నుంచి ప్రచారం జరుగుతోంది. అందుకు తగ్గట్టుగానే ఇద్దరికి పవర్ ఫుల్ పాత్రలు తగ్గాయి. కొమరం భీమ్ గా తారక్, అల్లూరి సీతారామారాజుగా చరణ్ కనిపించబోతున్నారు. హీరోయిన్స్ విషయంలోనూ అభిమానులు సంతృప్తి చెందే విధంగా ఎంపిక చేశారు జక్కన్న. రామ్ చరణ్ కోసం బాలీవుడ్ హీరోయిన్ అలియా భట్ ని తీసుకొంటే ఎన్టీఆర్ కోసం ఏకంగా హాలీవుడ్ హీరోయిన్ డైసీ ఎడ్గర్ జోన్స్ ని తీసుకొన్నారు. దీంతో.. తారక్, చరణ్ అభిమానులు ఇద్దరు హ్యాపీగా ఫీలయ్యారు.

ఇంతలో #RRR నుంచి డైసీ ఎడ్గర్ జోన్స్ తప్పుకొంది. దీంతో తారక్ కోసం హీరోయిన్ వేటలో ఉన్నారు రాజమౌళి. ఈ క్రమంలో తెరపైకి నిత్యామీనన్ పేరు వచ్చింది. ఆమె అద్భుతమైన నటి. అందులో ఎవ్వరికీ సందేహం లేదు. కాకపోతే.. చరణ్ కి బాలీవుడ్ హీరోయిన్. తారక్ కి టాలీవుడ్ హీరోయిన్ తేడాని.. నందమూరి అభిమానులు తట్టుకోలేకపోతున్నారు. ఈ విషయంపై బయటికి అనకపోయినా..లోలోపల మాత్రం తారక్ కోసం కూడా బాలీవుడ్ హీరోయిన్ ని తీసుకొస్తే బాగుణ్నని అనుకొంటున్నట్టు తెలిసింది.