ప్రభాస్ ఎంట్రీ.. అదిరింది !

యంగ్ రెబల్ స్టార్ ప్రభాస్‌ ఇన్‌స్టాగ్రామ్‌ ఎంట్రీ అదిరిపోయింది. అభిమానుల కోరిక మేరకు ప్రభాస్ ఫోటో షేరింగ్‌ యాప్‌ ఇన్‌స్టాగ్రామ్‌లో ww.instagram.com/actorprabhas/ అకౌంట్‌ ఓపెన్‌ చేశారు. అందులో తొలి ఫొటో కూడా పోస్ట్‌ చేయకముందే సుమారు 7 లక్షల మంది ఫాలోయర్స్‌ ప్రభాస్‌ని ఫాలో కావడం విశేషం. సోషల్‌ మీడియాలో టాలీవుడ్ స్టార్స్ ఓ రేంజ్ లో ఫాలోయింగ్ కలిగివున్నారు. ప్రభాస్ మాత్రం ఇన్నాళ్లు ఫేస్‌బుక్‌లో మాత్రమే యాక్టివ్‌గా ఉన్నారు. అభిమానుల కోరిక మేరకు ఆయన ఇన్‌స్టాగ్రామ్‌, ట్విట్టర్.. తదితర సోషల్ మీడియా యాప్ అకౌంట్‌ లని ఓపెన్ చేసే పనిలో ఉన్నారు.

ప్రస్తుతం ప్రభాస్ ‘సాహో’ సినిమాతో బిజీగా ఉన్నారు. ఈ చిత్రానికి సుజీత్ దర్శకుడు. శ్రద్దా కపూర్ హీరోయిన్. ఈ యాక్షన్ థ్రిల్లర్ ని దాదాపు రూ. 300కోట్ల బడ్జెట్ తో యూవీ క్రియేషన్స్ నిర్మిస్తోంది. ఆగస్టు 15న సాహో ప్రేక్షకుల ముందుకు రానుంది. బాహుబలి తర్వాత ప్రభాస్ నటిస్తున్న చిత్రం కావడంతో సాహోపై భారీ అంచనాలున్నాయి. సాహో తో పాటు రాథాకృష్ణ దర్శకత్వంలో ప్రభాస్ ఓ ప్రేమకథా చిత్రంలో నటిస్తున్నారు. ఇందులో ప్రభాస్ కి జోడిగా పూజా హెగ్డే నటిస్తున్నారు. ఈ చిత్రం కోసం ‘జాన్’ అనే టైటిల్ ప్రచారంలో ఉంది. ఈ సినిమా కూడా ఈ యేడాదియే ప్రేక్షకుల ముందుకు రానుంది.