‘కేజీఎఫ్’ దర్శకుడితో మహేష్, ప్రభాస్ సినిమా ?
‘బాహుబలి’ మాదిరిగా కన్నడ చిత్రం ‘కేజీఎఫ్’ జాతీయ స్థాయిలో సత్తా చాటింది. కన్నడ, తెలుగు, తమిళ, మళయాళం, హిందీ భాషల్లో విడుదలై బ్లాక్ బస్టర్ హిట్‌గా నిలిచింది. ఈ సినిమా దర్శకుడు ప్రశాంత్ నీల్, కథానాయకుడు యష్ కు మంచి గుర్తింపు తీసుకొచ్చింది. ఇప్పుడు ‘కేజీఎఫ్’ సీక్వెల్ గా ‘కేజీఎఫ్2’ తెరకెక్కుతోన్న సంగతి తెలిసిందే. ఇంకో ఆసక్తికర విషయం ఏంటంటే..?
దర్శకుడు ప్రశాంత్ నీల్ ఇద్దరు టాలీవుడ్ స్టార్స్ సినిమాలు ప్లాన్ చేసుకొంటున్నాడు.
ప్రశాంత్ నీల్ దర్శకత్వంలో ప్రభాస్ సినిమా ఉంటుందని చాన్నాళ్లుగా ప్రచారం జరుగుతోంది. ఈ చిత్రాన్ని మైత్రి మూవీస్ నిర్మించే ఛాన్స్ ఉందని తెలుస్తోంది. ఇప్పటికే నీల్ ప్రభాస్ ని కలిసి కథని కూడా వినిపించాడట. ప్రభాస్ తో పాటు మహేష్ తో ప్రశాంత్ నీల్ సినిమా ఉండబోతుందట. ఈ చిత్రాన్ని దిల్ రాజు నిర్మించబోతున్నట్టు తెలిసింది. ప్రశాంత్ నీల్ మహేష్, ప్రభాస్ లతో వేరు వేరుగా సినిమాలు తీస్తాడా ? లేదంటే ?? మహేష్-ప్రభాస్ మల్టీస్టారర్ ని తీసుకొస్తాడా ?? అన్నది చూడాలి.
ఇక, కేజీఎఫ్ 2లో సంజయ్ దత్, ఉపేంద్ర, రవీనా టాండన్, రమ్యకృష్ణ.. తదితరులు కీలక పాత్రల్లో న వంటి స్టార్ హీరో, హీరోయిన్స్ పలు ప్రధాన పాత్రల్లో నటిస్తున్నారు. కన్నడ స్టార్ యష్ కు జూనియర్ ప్రభాస్ అనే బిరుదు కూడా ఉంది. కన్నడ ప్రేక్షకులు యష్ ని జూనియర్ ప్రభాస్ గా పిలుచుకొంటుంటారు.
