నరేష్ ని చంపలేదట !

కామెడీ హీరో అల్లరి నరేష్ అతిథి పాత్రలో నటిస్తే.. ఆ సినిమా హిట్టే. సినిమాలో ఆయన పాత్ర చనిపోతే.. సూపర్ హిట్టే. ఆయా సినిమాల్లో నరేష్ పాత్ర చనిపోవడం, సినిమా సూపర్ హిట్ అవ్వడం తెలిసిందే. ‘మహర్షి’లో కూడా ఇలాంటి విషాదమే రిపీట్ అవుతుందనే ప్రచారం జరుగుతోంది. ఐతే, ఇందులో ఏమాత్రం నిజం లేదట.

‘మహర్షి’లో హీరో ఫ్రెండ్ పాత్ర పోషిస్తున్న అల్లరి నరేష్ చనిపోవడం లాంటి విషాదకరమైన సీన్లు ఏమీ ఉండవని, అలాంటి రూమర్స్ నమ్మవద్దని చిత్ర బృందం నుంచి వినిపిస్తున్న మాట. హీరో విదేశాల నుంచి ఇండియా వచ్చి రైతులకు సహాయం చేసే ఒక అద్భుతమైన కాన్సెప్టు సినిమా ఉంటుందని చెబుతున్నారు. యూత్, ఫ్యామిలీ, రైతులు, బిజినెస్ పర్సన్స్ ఇలా అందరికీ కనెక్ట్ అయ్యేలా సినిమా ఉంటుందని సమాచారమ్.

మహేష్ నటిస్తున్న 25వ చిత్రమిది. వంశీపైడిపల్లి దర్శకత్వం వహిస్తున్నారు. పూజా హెగ్డే హీరోయిన్. దేవిశ్రీ ప్రసాద్ సంగీతం అందిస్తున్నారు. దిల్ రాజు -పివిపి-అశ్వినీదత్ సంయుక్తంగా నిర్మిస్తున్నారు. మహర్షి దాదాపు రూ. 140కోట్ల ప్రీ రిలీజ్ బిజినెస్ చేసినట్టు తెలిసింది. మే 9న మహర్షి ప్రేక్షకుల ముందుకురానున్నాడు.