‘జెర్సీ’ ప్రీ-రిలీజ్ ఫంక్షన్.. గెస్ట్’గా వెంకీ !
విక్టరీ వెంకటేష్ కు క్రికెట్ అంటే ఇష్టం.. కాదు పిచ్చి. తాజా ఐపీఎల్ లో ఆయన స్టేడియంలో చేస్తున్న హంగామా హైలైట్ గా నిలుస్తోంది. ఒక్క మాటలో చెప్పాలంటే హైదరాబాద్ లో జరిగే మ్యాచ్ లకి ఆయన చీఫ్ గెస్ట్ లాంటోడు.
క్రికెట్ నేపథ్యంలో తెరకెక్కిన ‘జెర్సీ’ సినిమా ప్రీ-రిలీజ్ ఫంక్షన్ కు వెంకీ చీఫ్ గెస్ట్ గా హాజరుకాబోతున్నారు. గౌతమ్ తిన్ననూరి దర్శకత్వంలో నాని హీరోగా నటిస్తున్న చిత్రం ‘జెర్సీ’. శ్రద్దా శ్రీనాథ్‌ కథానాయిక. సితార ఎంటర్టైన్ మెంట్స్
నిర్మిస్తోంది. ఈ నెల 19న ‘జెర్సీ’ ప్రేక్షకుల ముందుకు రానుంది. ఈనెల 15న ప్రీ-రిలీజ్ వేడుక ప్లాన్ చేశారు.
హైదరాబాద్ లోని శిల్పకళా వేదికలో ఏప్రిల్ 15 సాయంత్రం 7:30నిమిషాల నుంచి జెర్సీ ప్రీ-రిలీజ్ వేడుక జరగనుంది. ఈ వేడుకకి విక్టరీ వెంకటేష్ ముఖ్య అతిథిగా హాజరుకానున్నారు. క్రికెట్ నేపథ్యంలో తెరకెక్కిన సినిమా కావడంతో.. క్రికెట్ ని అమితంగా ఇష్టపడే వెంకీని గెస్ట్ ఆహ్వానించినట్టు తెలుస్తోంది. ఇక, ఇటీవలే విడుదలైన జెర్సీ ట్రైలర్ అద్భుతమైన స్పందన వస్తోంది.
