అందుకే.. అఖిల్-బొమ్మరిల్లు భాస్కర్ సినిమా ఆగిపోయింది !
అఖిల్ అక్కినేని తన నాల్గో సినిమా కోసం బొమ్మరిల్లు భాస్కర్ తో జతకట్టబోతున్నాడు. ఇప్పటికే కథ ఓకే అయింది. స్క్రిప్ట్ పనులు కూడా పూర్తయ్యాయి. సినిమా సెట్స్ మీదకు వెళ్లడమే ఆలస్యం. ఐతే, హీరోయిన్ దొరక్క సినిమా ఆగిపోయింది. ఈ సినిమా కథలో హీరోయిన్ పాత్ర చాలాకీలకం అంటున్నారు. ఆ విధంగా స్టోరీ రాసుకున్నాడట బొమ్మరిల్లు భాస్కర్. దీంతో ఆ హీరోయిన్ ఎవరో తేలేవరకు కొబ్బరికాయ కొట్టొద్దని నిర్మాత అల్లు అరవింద్ కూడా తెగేసి చెప్పేశాడు. అలా అఖిల్ నాలుగు సినిమా ఆలస్యమౌతోంది.
అఖిల్ తొలి రెండు సినిమాల్లో కొత్త హీరోయిన్లు నటించారు. మూడో సినిమా ‘మిస్టర్ మజ్ఞ్ను’కు మాత్రం కాస్త అనుభవం ఉన్న నిధి అగర్వాల్ ని తీసుకొన్నారు. నాల్గో సినిమాకు కూడా అనుభవం ఉన్న హీరోయిన్ ని తీసుకోవాలని చూస్తున్నారు. ‘బొమ్మరిల్లు’ సినిమాలో జెనిలియా పాత్రకు మంచి గుర్తింపు వచ్చింది. అఖిల్ సినిమాలోనూ హీరోయిన్ కి నటించే స్కోప్ ఉందట. మరీ.. ఆ అవకాశం ఏ హీరోయిన్ కి దక్కనుంది అన్నది వేచి చూడాలి.
