కుల్‌దీప్‌ ఏడిపించిన అలీ
ఇంగ్లాండ్‌ ఆల్‌రౌండర్‌ మొయిన్‌ అలీ టీమిండియా చైనామన్‌ బౌలర్‌ కుల్‌దీప్‌ యాదవ్‌ ని ఏడిపించాడు. శుక్రవారం బెంగళూరు కోల్ కతా మధ్య జరిగిన మ్యాచ్ లో మొయిన్‌ అలీ బౌలింగ్‌ను బౌలింగ్‌ను ఊచకోత కోశాడు. బెంగళూరు ఇన్నింగ్స్‌ 16వ ఓవర్‌ను కుల్‌దీప్‌ యాదవ్‌ వేశాడు. ఆ ఓవర్లో అలీ ఏకంగా మూడు సిక్సర్లు, రెండు బౌండరీలు బాదేశాడు. చివరి బంతికి ఔటయ్యాడు.
తన బౌలింగ్‌ను అలీ చితకబాదడంతో యాదవ్‌ భావోద్వేగానికి గురయ్యాడు. అతడి కన్నుల్లో నీటి చారలు కనిపించాయి. సహచరుడు నితీశ్‌ రాణా అతడిని ఊరడించాడు. డగౌట్‌ నుంచి ఓ ఆటగాడు మంచినీరు ఇచ్చాడు. ఉద్వేగానికి గురైన అతడికి మద్దతుగా అభిమానులు ట్వీట్లు చేస్తున్నారు. ‘ఆటలో ఇలాంటివి సాధారణమే ఛాంపియన్‌’ అంటూ సందేశాలు రాస్తున్నారు.
