కారెక్కనున్న మరో ముగ్గురు కాంగ్రెస్ ఎమ్మెల్యేలు !

తెలంగాణ కాంగ్రెస్ కు గుండు గీసేలా ఉన్నాడు సీఎం కేసీఆర్. కాంగ్రెస్ నేతలు కారులోకి క్యూ కడుతున్న సంగతి తెలిసిందే. ఇప్పటికే దాదాపు 10మంది హస్తం నేతలు తెరాసలో చేరారు. త్వరలో మరో ముగ్గురు కాంగ్రెస్ నేతలు గులాభి గూటికి చేరబోతున్నట్టు సమాచారమ్. గండ్ర వెంకటరమణా రెడ్డి, జగ్గారెడ్డి, పోడెం వీరయ్యలు తెరాసలో చేరేందుకు ముహూర్తం ఖరారైనట్టు తెలుస్తోంది.

కేసీఆర్ బద్ద శత్రువుగా గుర్తింపు తెచ్చుకొన్న నేతల్లో జగ్గారెడ్డి ఒకరు. ఐతే, ఈ మధ్య ఆయన సీఎం కేసీఆర్ పై ఎటాక్ చేయడం మానేశాడు. అంతేకాదు.. కేసీఆర్ కు బంపర్ ఆఫర్లు కూడా ఇస్తున్నాడు. ఫలానా పని చేస్తే తెరాసలో చేరుతానని చెబుతున్నాడు. ఆయన కారెక్కాలని ముందే డిసైడ్ అయిపోయారు. అందుకే ఫీలర్లు వదులుతున్నారు. ఇక, పోడెం వీరయ్య ఎలాంటి డిమాండ్స్ లేకుండా కారెక్కేందుకు రెడీ అయ్యారు. గండ్ర వెంకటరమణా రెడ్డికి మాత్రం కేసీఆర్ బంపర్ ఆఫర్ ఇచ్చినట్టు సమాచారమ్.

గండ్ర వెంకట రమణారెడ్డి టీఆర్ఎస్ లో చేరితే.. ఆయన భార్యకు పదవి ఇస్తానని కేసీఆర్ హామీ ఇచ్చినట్లు తెలుస్తోంది.
గండ్ర సతీమణికి జిల్లా పరిషత్ చైర్ పర్సన్ పదవి ఇస్తానని కేసీఆర్ ఆఫర్ చేశాడట. దీంతో గండ్ర తెరాసలో చేరేందుకు రెడీ అయ్యారు. మొత్తంగా.. త్వరలో జరగనున్న ఎన్నికల్లో 32 జిల్లా పరిషత్ చైర్ పర్సన్ పదవులను కైవసం చేసుకునే వ్యూహంతో తెరాస ముందుకెళ్తోంది.