జెర్సీ దర్శకుడిపై స్టార్ హీరోల ఎటాక్ !

మేటరున్న దర్శకుడిని ఏ హీరో కోరుకోడు. ‘పెళ్లి చూపులు’లతో తరుణ్ భాస్కర్ అందరి చూపులని తన వైపు తిప్పుకొన్నారు. ఈ దర్శకుడితో సినిమా చేసేందుకు స్టార్ హీరోలు ఉత్సాహం చూపించారు. ఐతే, తరుణ్ మాత్రం స్టార్ హీరోలని కాదని.. తన అభిరుచికి తగ్గట్టుగా సినిమాలు చేస్తున్నారు. అర్జున్ రెడ్డి దర్శకుడు సందీప్ వంగాతో సినిమా చేసేందుకు స్టార్ హీరోలు రెడీగా ఉన్నారు. ఎఫ్ 2 దర్శకుడు అనిల్ రావిపూడికి మహేష్ బాబు ఛాన్స్ ఇచ్చేశాడు. మహేష్ తదుపరి సినిమా అనిల్ తో ఉండనుంది.

ఇక, జెర్సీతో టాలీవుడ్ కి మరో ప్రతిభ గల దర్శకుడు గౌతమ్‌ తిన్ననూరి దొరికాడు. ప్రస్తుతం గౌతమ్‌ దగ్గర చాలా కథలే ఉన్నాయి. వీటితో స్క్రిప్ట్‌కు దగ్గ హీరో దగ్గరకి వెళ్తానని అంటున్నాడు గౌతమ్‌. ఐతే, స్టార్ హీరోలు మాత్రం గౌతమ్‌ ని ట్రై చేస్తున్నట్టు సమాచారమ్. జెర్సీ సినిమా చూసి తారక్, బన్నీ ఫిదా అయిపోయారు. మంచి కథతో వెళ్తే వీరు ఒకే చెప్పే ఛాన్స్ ఉంది. మరీ.. గౌతమ్‌ తిన్ననూరి రెండో సినిమా ఏ హీరోతో ఉండనుంది అని తెలియాలంటే.. కొద్ది రోజులు ఓపిక పట్టాల్సిందే. ఇన్నాళ్లు జెర్సీతో బిజీగా ఉన్న గౌతమ్‌ కొన్నాళ్లు విశ్రాంత్రి తీసుకోనున్నారు. ఆ తర్వాతే తదుపరి సినిమాపై ఫోకస్ పెట్టనున్నారు.