నిర్మాత కోనేరు కన్నుమూత

తెలుగు చిత్ర పరిశ్రమలో విషాదం నెలకొంది. నిర్మాత కోనేరు అనిల్‌కుమార్‌ కన్నుమూశారు. ఆయన గత కొంత కాలంగా క్యాన్సర్‌ వ్యాధితో బాధపడుతున్నారు. హైదరాబాద్‌లోని ఓ ప్రైవేటు ఆసుపత్రిలో చికిత్స పొందుతూ.. శుక్రవారం తుదిశ్వాస విడిచారు.

కోనేరు మంచి అభిరుచి గల నిర్మాత. బాపు దర్శకత్వం వహించిన ‘రాధా గోపాళం’, కె. రాఘవేంద్రరావు తెరకెక్కించిన ‘అల్లరి బుల్లోడు’, ఇ.సత్తిబాబు తెరకెక్కించిన ‘ఒట్టేసి చెబుతున్నా’ సినిమాలకు ఆయన నిర్మాతగా వ్యవహరించారు. వీటిలో అల్లరి బుల్లోడు ప్లాప్ అయింది. నిర్మాతకు నష్టాలు తెచ్చిపెట్టింది. ‘రాధా గోపాలం’ సినిమా మాత్రం పేరు, లాభాలు తీసుకొచ్చింది.

కోనేరు మృతితో టాలీవుడ్ లో విషాద ఛాయలు అలుముకున్నాయి. కోనేరు అనిల్‌ కుమార్‌ మృతి పట్ల టాలీవుడ్‌ ప్రముఖులు సంతాపం తెలిపారు. శనివారం కోనేరు అంత్యక్రియలు జరగనున్నాయి.