మళ్లీ మేజిక్ చేశారబ్బా.. !

విజయ్-రస్మిక లది హిట్ పెయిర్. ‘గీత గోవిందం’ సినిమాతో మేజిక్ చేసింది.. ఈ జంట. వీరిద్దరి మధ్య కెమెస్ట్రీ బాగా కుదిరింది. అదే ‘గీత గోవిందం’లో హైలైట్ గా నిలిచింది. ఫలితంగా సినిమా బ్లాక్ బస్టర్ హిట్ అయ్యింది. వీరిద్దరు కలిసి నటిస్తున్న చిత్రం ‘డియర్ కామ్రేడ్’. ఈ చిత్రానికి కొత్త దర్శకుడు భరత్ కమ్మ దర్శకత్వం వహిస్తున్నారు. మే 31న కామ్రేడ్ ప్రేక్షకుల ముందుకు రానున్నాడు.

ఆదివారంతో ఈ సినిమా షూటింగ్ పూర్తయింది. ఈ సందర్భంగా చిత్రబృందం షేర్ చేసిన ఫోటోల్లో విజయ్-రస్మిక హైలైట్ గా కనిపిస్తున్నారు. వాటిని చూసి మరోసారి మేజిక్ చేశారబ్బాని కామెంట్స్ చేస్తున్నారు. డియర్ కామ్రేడ్ టీజర్ లో విజయ్-రస్మికల లిప్ లాక్ హైలైట్ గా నిలిచిన సంగతి తెలిసిదే. ఆ ఒక్క సీన్ సరిపోతుంది సినిమా ప్రమోషన్స్ కి అన్నట్టుగా ఉంది. మొత్తంగా.. రస్మిక-విజయ్ మరోసారి మేజిక్ చేయబోతున్నారు. ఆ మేజిక్ ని మే 31న థియేటర్స్ లో చూడబోతున్నాం.