ఆ నవ్వు తిరిగొచ్చింది

ఒక నవ్వు తిరిగొచ్చింది. మరో నవ్వు రావాల్సి ఉంది. ఈ రెండు నవ్వులు జడ్జీలుగా ఉంటే చేసేవారు, చూసేవారు పగలబడి నవ్వుకోవడమే. ఇప్పటికే అర్థమై ఉంటుంది.. ఆ రెండు నవ్వులు ఎవరనేది. జబర్థస్త్ జడ్జీలు రోజా, నాగబాబు. వీరిద్దరు ఇటీవల జరిగిన ఏపీ ఎన్నికల్లో పోటీ చేశారు. జనసేన నరసాపురం ఎంపీ అభ్యర్థిగా నాగబాబు, వైకాపా చంద్రగిరి శాసనసభ అభ్యర్థిగా రోజా పోటీ చేశారు. ఈ నేపథ్యంలో వీరిద్దరు జబర్థస్త్ షోకి కొన్నాళ్లపాటు దూరమయ్యారు. ఐతే, రోజా తిరిగి జబర్థస్త్ షోలో చేరిపోయింది.

ఈ గురువారం ప్రసారం కాబోతున్న జబర్థస్త్ షో ప్రోమోని విడుదల చేశారు. ఇందులో రోజా కనిపించింది. నాగబాబు మాత్రం ఇంకా రాలేదు. రోజా, మీనా కలిసి జడ్జీలుగా వ్యవహరించారు. బహుశా.. నెక్ట్స్ వారం ఏపీసోడ్ కి నాగబాబు కూడా జాయిన్ కావొచ్చు. నరసాపురం ఎంపీగా గెలుపొందినా.. జబర్థస్త్ షోని విడవనని ఇటీవల ఓ ఇంటర్వ్యూలో నాగబాబు తెలిపారు. నెలలో జబర్థస్త్ షోకి కేటాయించేది కేవలం నాలుగు రోజులు మాత్రమే. దీంతో ఎంపీగా గెలిచిన ఇబ్బందేమీ ఉండదని తెలిపాడు.

రోజా ఎమ్మెల్యేగా కొనసాగుతూనే జబర్థస్త్ షో జడ్జీగా వ్యవహరిస్తున్నారు. ఆమె మరోసారి గెలిచిన జబర్థస్త్ వీడే అవకాశాలు లేవు. కాకపోతే.. ఏపీలో వైకాపా అధికారంలోకి వచ్చి.. రోజా మంత్రి అయితే మాత్రం.. ఆమె జబర్థస్త్ కి దూరం కావొచ్చు. లేనియెడల జబర్థస్త్ లో ఆ రెండు నవ్వులని చూడొచ్చు. స్కిట్లు ఎలావున్నా.. రోజా,నాగబాబు నవ్వులని చూసి నవ్వుకోవచ్చు.. !