వాడికి ఈ దేశం మీద పిచ్చి

తమిళ్ స్టార్ సూర్యకు ఈ దేశం మీద పిచ్చి. అందుకే ఆయన రాజకీయాలని టచ్ చేయబోతున్నారట. సూర్య తాజా చిత్రం ‘ఎన్జీకే’. సెల్వరాఘవన్ దర్శకుడు. సాయిపల్లవి, రకుల్ ప్రీత్ సింగ్ హీరోయిన్స్. మే31న ‘ఎన్జీకే’ ప్రేక్షకుల ముందుకు రానున్నాడు.

తాజాగా, ఈ సినిమా తెలుగు వర్షన్ ట్రైలర్ ని విడుదల చేసింది చిత్రబృందం. ‘పాడైపోయిన రాజకీయ వ్యవస్థపై దర్శకుడు సెల్వరాఘవన్ సంధిస్తున్న అస్త్రం ‘ఎన్జీకే’ అని ట్రైలర్ ద్వారా అర్థమవుతోంది. ట్రైలర్ లో యాక్షన్, డైలాగ్స్ హైలైట్ గా నిలిచాయి.

* చిన్న గుంపుని ఏసుకుని రాజకీయాల్లోకి వచ్చేస్తే.. నిన్ను రానిస్తారని అనుకున్నావా

*  రేయ్ అది శ్మశానం.. లోనికి వెళితే శవంగానే బయటకు వచ్చేది

* మనం స్వాతంత్య్రాన్ని బ్రిటిష్ వాళ్ళ నుంచి తీసుకుని రాజకీయ నాయకులకు ఇచ్చేశాం

* చదువుకున్న వారంతా మనకెందుకులే అని పారిపోవడం వల్లే ఈ దేశం నాశనం అయిపోయింది

* దేశం బాగుండాలని కష్టపడే కార్మికుడికి దేన్నైనా నిలదీసి అడిగే హక్కుంది రా

* ఈ దేశంలో ఒకొక్కడికి ఒక్కోదానిపై పిచ్చి… ఆడికి ఈ దేశం మీద పిచ్చి అనే డైలాగ్స్ బాగా పేలాయ్.

ట్రైలర్ లో హీరోయిన్ రకుల్ ప్రీత్ సింగ్ యాక్షన్ బిట్ ఒకటి ఆకట్టుకొనేలా ఉంది. సినిమాలో రకుల్ ఫుల్ లెన్త్ యాక్షన్ ని చూడొచ్చేమో. ఇక, సాయిపల్లవి మేకప్ లేకుండా ఇంటిపక్కన అమ్మాయిలా కనిపించింది. మొత్తంగా ఎన్జీకే ట్రైలర్ అదిరిపోయింది.