‘సైరా’ నైజాం రేటు ఎంతో తెలుసా ?

మెగాస్టార్ చిరంజీవి నటిస్తున్న 151 చిత్రం ‘సైరా’. సురేంధర్ రెడ్డి దర్శకుడు. తొలితరం స్వాత్రంత్య్ర సమరయోధుడు ఉయ్యాలవాడ నరసింహారెడ్డి జీవితకథ ఆధారంగా తెరకెక్కుతోన్న చిత్రమిది. ఈ చిత్రంలో అమితాబ్ బచ్చన్, జగపతి బాబు, నయనతార, విజయ్ సేతుపతి, సుదీప్, తమన్నా.. తదితరులు కీలక పాత్రల్లో నటిస్తున్నారు. ఈ చిత్రానికి అమిత్ త్రివేది సంగీతం అందిస్తున్నారు. కొణిదెల ప్రొడక్షన్ కంపెనీపై రామ్ చరణ్ నిర్మిస్తున్నారు. ఈ సినిమా దాదాపు పూర్తి కావచ్చింది.

పోస్ట్ ప్రొడక్షన్ పనులు బకాయి వున్నాయి. సినిమాకు ఇప్పటి వరకు మార్కెట్ స్టార్ట్ కాలేదు. అయితే నైజాం నుంచి మాత్రం బంపర్ ఆఫర్ వచ్చినట్టు సమాచారమ్. నైజాం ఏరియాకు 25 కోట్లకు పైగా ఆఫర్ ను సైరా నిర్మాత రామ్ చరణ్ ముందు వుంచినట్లు తెలుస్తోంది. హీరో నితిన్ తండ్రి, నైజాంలో ఒకప్పుడు మాంచి డిస్ట్రిబ్యూటర్ గా వున్న సుధాకర్ రెడ్డి ఈ ఆఫర్ ను ఇచ్చినట్లు గుసగుసలు వినిపిస్తున్నాయి. ఇందులో నిజమెంత ? అనేది తెలియాల్సి ఉంది.