మహర్షి ట్రైలర్ టాక్

సూపర్ స్టార్ మహేష్ నటిస్తున్న 25వ చిత్రం ‘మహర్షి’. వంశీ పైడిపల్లి దర్శకుడు. మహర్షి అద్భుతంగా ఉండబోతున్నాడు. మహేష్ కెరీర్ లోనే ది బెస్ట్ చిత్రంగా మహర్షి నిలవబోతుందని చిత్రబృందం మొదటి నుంచి చెబుతోంది. ఐతే, ఆ రేంజ్ టీజర్, పాటల్లో కనిపించలేదు. కానీ, ట్రైలర్ మాత్రం ఓ రేంజ్ లో ఉంది. మహేష్ అభిమానులు కాలరెగిరేసే రేంజ్ లో ఉంది. మహేష్ అభిమానులు ఏ రేంజ్ లో అంచనాలు పెట్టుకొన్న అందుకొనే రేంజ్ లో ఉంది.

సినిమాలో మహేష్ కనిపించే మూడు డిఫరెంట్ షేడ్స్ లో దేనికదే ప్రత్యేకంగా ఉండబోతుందని ట్రైలర్ తో అర్థమవుతోంది. ముఖ్యంగా మూడు పాత్రలని కనెక్ట్ చేస్తూ దర్శకుడు కథ చెప్పిన విధానం అద్భుతమని ట్రైలర్ లో కనిపిస్తోంది. ‘ఏం సాధిద్దాం అనుకుంటున్నావు రిషి’ అని రావు రమేశ్‌ ప్రశ్నిస్తే.. ‘ఏలేద్దాం అనుకుంటున్నాను సర్‌. ప్రపంచాన్ని ఏలేద్దాం అనుకుంటున్నా’ అనే డైలాగ్‌తో ట్రైలర్‌ ఆరంభమైంది. ఆ తర్వాత మహేష్ బిజినెస్ మేన్ గా కనిపించే బిట్ సన్నివేశాలు అదిరిపోయాయి.

విజయాన్ని ఎలా లెక్కిస్తాం సర్‌ అని విలేకరి మహేశ్‌ను ప్రశ్నిస్తే.. ‘గతంలో ఎక్కడ ఉన్నాం.. ఇప్పుడు ఎక్కడ ఉన్నాం.. దాన్ని బట్టి మనకే అర్థం అవుతుంది..’ అని ఆయన అన్నారు. ఆ వెంటనే మహేష్ కాలేజీ నేపథ్యంలోని సన్నివేశాలు, అల్లరి నరేష్, పూజా హెగ్డే, మహెష్ ల అల్లరి ఆకట్టుకుంటోంది. మధ్యలో మహేష్ ఫ్యామిలీ ఎమోషన్, యాక్షన్ తో ట్రైలర్ అద్భుతంగా కట్ చేశారు. ఒక్క మాటలో చెప్పాలంటే మహర్షి ట్రైలర్ మెగా బ్లాక్ బస్టర్ హిట్. సినిమా కూడా ఈ రేంజ్ లో ఉంటే.. తెలుగు సినిమా ఆణిముత్యాల్లో మహర్షి ఓ ఆణిముత్యంగా మిగిలిపోవడం ఖాయం.