ఏకంగా రెండు నిమిషాలు జుర్రుకోవడమే.. !
టాలీవుడ్ ఇమ్రాన్ హష్మిగా తయారయ్యాడు విజయ్ దేవరకొండ. మంచి కిస్సర్ అనిపించుకొన్నాడు. అర్జున్ రెడ్డి, గీతా గోవిందం సినిమాల్లో లిప్ లాక్ లు హైలైట్ గా నిలిచాయి. సినిమా విజయంలో కీలక పాత్ర పోషించాయి. త్వరలో ప్రేక్షకుల ముందుకు రాబోతున్న ‘డియర్ కామ్రెడ్’లోనూ అదిరిపోయే లిప్ లాక్ ఉంది. ట్రైలర్ లోనే ఆ టేస్ట్ చూపించారు. సినిమాలో దాన్ని పూర్తి స్థాయిలో ఆస్వాదించబోతున్నారు ప్రేక్షకులు. ఈ లిప్ లాక్ సెంటిమెంట్ ని విజయ్ తన తదుపరి సినిమాలోనూ ఫాలో అవుతారట.
క్రాంతి మాధవన్ దర్శకత్వంలో విజయ్ నెక్ట్స్ సినిమా ఉండబోతుంది. ఇందులో విజయ్ కి జంటగా రాశీఖన్నా నటిస్తారు. ఈ చిత్రంలో కూడా ఓ లిప్ లాక్ ప్లాన్ చేయమని దర్శకుడిపై నిర్మాతలు ఒత్తిడి తెస్తున్నారు. ఆ లిప్ లాక్ సీన్ ఏకంగా రెండు నిమిషాలు ఉండేలా ప్లాన్ చేయాలని సూచించారట. విజయ్ పెదాలని జుర్రేసుకోవడానికి రాశీ రెడీ. ఇటీవలే ఓ ఇంటర్వ్యూలో విజయ్ తో తన కిస్ కోరికని బయటపెట్టింది. ఈ నేపథ్యంలో విజయ్-రాశీ లిప్ లాక్ హైలైట్ గా నిలవడం ఖాయంగా కనిపిస్తోంది.
