‘మహర్షి’కి బాలీవుడ్ సపోర్టు
టాలీవుడ్ సూపర్ స్టార్ మహేష్ బాబు క్రేజ్ గురించి ప్రత్యేకంగా చెప్పనక్కర్లేదు. ఆయన సినిమా కోసం ప్రేక్షకులు, ఇండస్ట్రీ ఆసక్తిగా ఎదురు చూస్తుంటుంది. మహేష్ తాజా చిత్రం ‘మహర్షి’ విడుదల నేపథ్యంలో.. ఆయనకి ఆల్ ది బెస్ట్ చెబుతూ ట్విట్ల వర్షం కురుస్తోంది. బాలీవుడ్ నుంచి మహర్షికి సపోర్టు లభించింది. ప్రముఖ బాలీవుడ్ దర్శక-నిర్మాత కరణ్ జోహార్ మహేష్ కు ఆల్ ది బెస్ట్ చెబుతూ.. ఓ వీడియోని షేర్ చేశారు. ఈ వీడియో మహర్షిని బాలీవుడ్ లోనూ ప్రమోట్ చేస్తోంది.
గతంలో బాలీవుడ్ నుంచి మహేష్ కు బోలేడు ఆఫర్లు వచ్చాయి. ఐతే, వాటిని మహేష్ సున్నితంగా తిరస్కరించానని మహేష్ పలుమార్లు చెప్పారు. టాలీవుడ్ లో తనకు సౌకర్యవంతంగా ఉంది. అందుకే బాలీవుడ్ కు వెళ్లాలని లేదన్నారు. త్వరలో ‘రాజమౌళి దర్శకత్వంలో మహేష్ సినిమా ఉండనుంది. ఆర్.ఆర్.ఆర్ తర్వాత రాజమౌళి చేయబోయేది మహేష్ తోనే అని చెబుతున్నారు. ఈ నేపథ్యంలో రాజమౌళి సినిమాతో మహేష్ బాలీవుడ్ కి పరిచయం కావడం ఖాయంగా కనిపిస్తోంది.
ఇక, ఇవాళ ప్రేక్షకుల ముందుకొచ్చిన మహర్షి చిత్రాన్ని ప్రేక్షకులు మెగా బ్లాక్ బస్టర్ గా తేల్చేశారు. కథ-కథనం అద్భుతంగా కుదిరాయి. మహేష్ ఎనర్జి, టైమింగ్, లుక్స్ అదిరిపోయాయి. సరదా సన్నివేశాలు, ఎమోషన్స్ టచింగ్స్ తో రుషి జర్నీ అద్భుతంగా సాగిందని రివ్యూలు చెబుతున్నాయి.
Bollywood Star Producer – Director @karanjohar wishing all the best to Superstar @urstrulyMahesh's #Maharshi #SSMB25#MaharshiFromTomorrow pic.twitter.com/NG2X3HadRi
— Vamsi Kaka (@vamsikaka) May 8, 2019
