బాలయ్య సినిమాలో జగపతి డబుల్ రోల్ !
సినిమాల్లో హీరో డబుల్ యాక్షన్ కామన్. ఐతే, విలన్ డబుల్ యాక్షన్ చేయడం మాత్రం చాలా అరుదు. తెలుగు సినిమాల్లో దాదాపు లేవనే చెప్పవచ్చు. బాలయ్య-కేఎస్ రవికుమార్ సినిమాలో ఇలాంటి ప్రయోగం ఒకటి చేయబోతున్నట్టు తెలిసిందే. ఈ సినిమా కోసం ‘రూలర్’ అనుకొంటున్నారు. ఫిల్మ్ చాంబర్ లో రిజిస్టర్ కూడా చేయించారు. దీంతో రూలర్ టైటిల్ దాదాపు ఫిక్సయినట్టే.
ఈ సినిమాలో జగపతిబాబు విలన్ గా నటిస్తున్న సంగతి తెలిసిందే. సినిమాలో ఆయనది డబుల్ రోల్ అని తెలుస్తోంది. ఈ మేరకు డిస్కషన్లు జరుగుతున్నాయట. ఇందులో బాలయ్య పవర్ ఫుల్ పోలీస్ ఆఫీసర్ గా కనిపించబోతున్నారు. విలన్ రోల్ కూడా అదే రేంజ్ లో ఉండబోతుందని తెలుస్తోంది. ఐతే, విలన్ డబుల్ రోల్ ని ఎలా డిజైన్ చేశారన్నది ఆసక్తిని రేపుతోంది.
కెయస్ రవికుమార్ బాలయ్య కలయికలో వచ్చిన ‘జై సింహా’ ఆశించిన స్థాయిలో విజయం సాధించలేదు. అయినా.. బాలయ్య మరోసారి కెయస్ రవికుమార్ కు ఛాన్స్ ఇవ్వడం. ఈసారైనా బాలయ్య నమ్మకాన్ని నిలబెట్టుకోవాలి. ఆయనకి ఓ హిట్ ఇవ్వాలనే కసితో రవికుమార్ ఉన్నట్టు తెలుస్తోంది. త్వరలోనే ఈ సినిమా సెట్స్ మీదకు వెళ్లనుంది. ఈ యేడాదియే సినిమాని ప్రేక్షకుల ముందుకు తీసుకు రానున్నారు.
