సీత సీక్రెట్స్ విప్పిన తేజ

కాజల్ ని ‘సీత’గా చూపించబోతున్నాడు దర్శకుడు తేజ. సీతకి జంటగా బెల్లకొండ సాయి శ్రీనివాస్ నటించారు. బాలీవుడ్ నటుడు సోనూ సూద్ విలన్ పాత్రలో నటించారు. సీత టీజర్, ట్రైలర్స్ ని చూస్తే బోలేడు అనుమానాలు, డౌట్లు కలిగాయి. సీత పద్దతిగా లేదు. మోడ్రన్ సీత. రొమాంటిక్ సీతలా కనిపించింది. అలాంటి పాత్రకి ‘సీత’ టైటిల్ ఎందుకు పెట్టినట్టు అనే ప్రశ్నలు వచ్చాయి.

వీటన్నింటికి సినిమా ప్రమోషన్స్ లో దర్శకుడు తేజ సమాధానం చెప్పారు. “ఇది తేజ రామాయణం. ఆ కాలంలో సీత చాలా సాఫ్ట్ మహిళ. తన సీత మాత్రం అగ్రెసివ్ గా ఉంటుంది. ఈ కథను కాజల్ కు చెప్పిన తరువాత, తానే ఈ సినిమాను చేస్తానని పట్టుబట్టింది. ఆ కారణంగానే ఆమెనే ప్రధాన పాత్రకు తీసుకున్నా’నని తెలిపారు. ఇకపై ‘నిజం’ సినిమాలాంటి సందేశాత్మక చిత్రాల జోలికి వెళ్లను. ఇండస్ట్రీలో హిట్ కొట్టిన వారికే లైఫ్. లేదంటా వెనక్కి వెళ్లాల్సిందేనని అన్నారు తేజ. ఈ నెల24న సీత విడుదల కానుంది.