హోటల్’లో స్నానం చేస్తుంటే వీడియో రికార్డు
పుదుచ్చేరిలో హైదరాబాద్ యువతికి చేధు అనుభవం ఎదురైంది. ఆమె స్నానం చేస్తుండగా ఆగంతకుడు ఫోన్ తో వీడియో తీస్తూ దొరికిపోయాడు. వివరాల్లోకి వెఌతే.. హైదరాబాద్ కి చెందిన యువతి (22) తన స్నేహితుడుతో కలిసి పుదుచ్ఛేరికి వెళ్లింది.
సోమవారం వీరిద్దరు అక్కడి హోటల్‌లో దిగారు. ఉదయం మొత్తం నగరంలో పర్యటించి.. సాయంత్రం తిరిగి హోటల్‌కు చేరుకున్నారు. ఆమె స్నానం చేస్తున్న సమయంలో వెంటిలేటర్‌ నుంచి ఎవరో వీడియో తీసినట్టు కనిపించింది.
దీంతో యువతి హోటల్ సిబ్బందికి ఫిర్యాదు చేయడంతో పాటు.. పోలీసులకి ఫిర్యాదు చేసింది. అక్కడి సీసీ ఫుటేజీలను పరిశీలించిన పోలీసులు అదే హోటల్‌లో పనిచేస్తున్న రిసెప్షనిస్ట్‌ ప్రశాంత్ నిర్వాకంగా గుర్తించారు. మొదట తాను ఏ తప్పులేదని బుకాయించిన ప్రశాంత్.. ఆయన ఫోన్ రీట్రీవ్ చేయడంతో.. బండారం బహిర్గతమైంది. వెంటనే అతడిని పోలీసులు అరెస్ట్‌ చేశారు.
