జగ్గారెడ్డిని బెదిరిస్తున్నారట.. !

తెలంగాణ కాంగ్రెస్ నేతలు తెరాసలోకి క్యూ కడుతున్న సంగతి తెలిసిందే. ఇప్పటికే 13మంది కాంగ్రెస్ ఎమ్మెల్యేలు కారెక్కేందుకు రెడీగా ఉన్నారు. ఐతే, వీరంతా పార్టీ మారడానికి తెరాస నేతల బెదిరింపులే కారణమనే ప్రచారం ఉంది. అది నిజమే అన్నట్టుగా త్వరలోనే కారెక్కబోతున్న కాంగ్రెస్ ఎమ్మెల్యే జగ్గారెడ్డి వ్యాఖ్యలు చేయడం హాట్ టాపిక్ గా మారాయి.

తనకి తెరాస నుంచి ఆహ్వానం అందింది. కేసీఆర్ బంధువులు తనని సంప్రదించారు. తెరాసలో చేరాల్సిందిగా కోరారు. తన నిర్ణయాన్ని త్వరలోనే చెబుతానని వారికి చెప్పినట్టు ఇటీవలే కాంగ్రెస్ సంగారెడ్డి ఎమ్మెల్యే జగ్గారెడ్డి తెలిపిన సంగతి తెలిసిందే.
ఐతే, గురువారం హైదరాబాద్ గాంధీభవన్ లో మీడియాతో మాట్లాడిన జగ్గారెడ్డి.. చిన్నచిన్న తప్పులను పట్టుకుని తెరాస నేతలు బెదిరింపు రాజకీయాలు చేస్తున్నారని ఆరోపించారు. ఈ నేపథ్యంలో జగ్గారెడ్డి పార్టీ మారడం వెనక తెరాస నేతల బెదిరింపులు ఉన్నాయనే అనుమానాలు కలుగుతున్నాయి. దీనిపై జగ్గారెడ్డియే మరింత క్లారిటీ ఇస్తే మంచిదేమో.. !