‘సాహో’ నుంచి సప్రైజ్.. !
‘బాహుబలి’ తర్వాత ప్రభాస్ నటిస్తున్న చిత్రం ‘సాహో’. ఈ చిత్రానికి సుజీత్ దర్శకత్వం వహిస్తున్నారు. యూవీ క్రియేషన్స్ నిర్మిస్తోంది. ఆగస్టు 15న సాహో ప్రేక్షకుల ముందుకు రానుంది. ఈ నేపథ్యంలో సినిమా ప్రమోషన్స్ స్టార్ట్ చేయబోతుంది చిత్రబృందం. ఇందులో భాగంగా సాహో చిత్రబృందం ఓ సప్రైజ్ ని ప్లాన్ చేసింది. ఆ సప్రైజ్ ని మంగళవారం (మే21) ప్రభాస్ తన ఇన్ స్ట్రోగ్రామ్ లో రివీల్ చేయనున్నాడు. ఈ విషయాన్ని తెలుపుతూ ప్రభాస్ ఓ వీడియో షేర్ చేశారు.
సాహో చిత్రాన్ని భారీ బడ్జెట్ తో తీసుకొస్తున్నారు. దాదాపు రూ. 200కోట్లకిపైగా ఖర్చు చేస్తున్నారు. కేవలం యాక్షన్ సన్నివేశాలకే రూ. 90కోట్లు ఖర్చు చేశారు. ఇందులో ప్రభాస్ కి జంటగా బాలీవుడ్ బ్యూటీ శ్రద్దా కపూర్ నటిస్తున్నారు. పలువురు బాలీవుడ్, హాలీవుడ్ నటీనటులు, టెక్నిషయన్స్ సాహో కోసం పని చేస్తున్నారు. తెలుగు, తమిళ్, మలయాళం, హిందీ బాషల్లో సాహో ని విడుదల చేయనున్నారు. రేపు రాబోతున్న సాహో సప్రైజ్ కోసం ప్రభాస్ అభిమానులు ఆసక్తిగా ఎదురు చూస్తున్నారు.
#Saaho time starts! A surprise coming your way tomorrow. Stay tuned to https://t.co/oChYK9e9GZ.#Prabhas @ShraddhaKapoor @sujeethsign @UV_Creations #SaahoSurprise pic.twitter.com/H9mStkZW1Z
— UV Creations (@UV_Creations) May 20, 2019
