తారక భీమ్’కు జన్మదిన శుభాకాంక్షలు

నెం.1 నటుడు మన తారక్. ఇది అభిమానులు చెప్పే మాటలు కాదు. టాలీవుడ్ స్టార్స్ చెప్పిన మాట. సూపర్ స్టార్స్ మహేష్ బాబు, ప్రభాస్, అల్లు అర్జున్, రామ్ చరణ్.. వివిధ సందర్భాల్లో తెలుగులో నెం.1 ఎవరనే ప్రశ్నకు జూ. ఎన్టీఆర్ అంటూ సమాధానం ఇచ్చారు. తారక్ టాలెంట్ ఏంటో చెప్పడానికి ఇంతకంటే పెద్ద మాటలు అవసరం లేదేమో.. !

ఎలాంటి పాత్రనైనా రక్తికట్టించే నటుడు. సంపూర్ణ నటుడు అనే పదానికి నిలువెత్తు నిదర్శనం తారక్. ‘మనం డ్యాన్స్ చేస్తుంటే.. తన వెంట్రుక నుంచి పాదాల వరకు స్వింగులో ఉండాలి’ అంటాడు తారక్. తారక్ డ్యాన్స్ చేస్తే అలాగే ఉంటుంది. ఫ్లోర్ దద్దరిల్లాల్సిందే. ‘నిన్ను చూడాలని’ సినిమాతో తారక్ హీరోగా ఎంట్రీ ఇచ్చాడు. ఐతే, ఆయన నటించిన రెండో సినిమా ‘స్టూడెంట్ నెం.1’తో మెరుపులు మొదలయ్యాయి. రికార్డులు బద్దలయ్యాయి. ఆది, సింహాద్రి సినిమాలతో తెలుగు పరిశ్రమకు కొత్త సింహం దొరికినట్టయింది.

ఆ గాండ్రింపులు ఇంకా కొనసాగుతూనే ఉన్నాయి. తారక్ ‘టెంపర్’కు మైండ్ బ్లాక్ అయిపోయింది. ఈ సినిమా తర్వాత విభిన్నమైన కథలతో తారక్ అలరిస్తున్నారు. నాన్నకుప్రేమతో, జనతా గ్యారేజ్, జై లవ కుశ, అరవింద సమేత దేనికదే ప్రత్యేకమైనవి. ప్రస్తుతం రాజ‌మౌళి మల్టీస్టారర్ ‘ఆర్ ఆర్ ఆర్’లో నటిస్తున్నారు తారక్. ఇందులో ఆయన కొమరం భీమ్ గా కనిపించబోతున్నాడు. ఇవాళ మన తారక్ భీమ్ పుట్టిన రోజు. ఈ సందర్భంగా ఆయనకి #TSMIRCHI ప్రత్యేక శుభాకాంక్షలు తెలియజేస్తోంది.

ఈ యేడాది తారక్ పుట్టినరోజు వేడుకలకి దూరంగా ఉంటున్నారు. గత యేడాది ఆగస్టులో నందమూరి హరికృష్ణ మృతి చెందిన సంగతి తెలిసిందే. యేడాది పూర్తికాకపోవడంతో.. జన్మదిన వేడుకలకి దూరంగా ఉండాలని తారక్ నిర్ణయించుకొన్నారు. ఐతే, సోషల్ మీడీయా వేదికగా సినీ స్టార్స్, అభిమానుల నుంచి తారక్ కి పుట్టినరోజు శుభాకాంక్షలు వెలువెత్తుతున్నాయి. తారకు జీవితం ఆనందం
సాగాలని.. ప్రేక్షకుల ఆనందం రెట్టింప్పు అయ్యే సినిమాలు చేయాలని కోరుకుందాం.