బన్నీ కోసం కొత్త హీరోయిన్ ?

త్రివిక్రమ్ దర్శకత్వంలో అల్లు అర్జున్ సినిమా తెరకెక్కుతోంది. బన్నీకి జంటగా పూజా హెగ్డే నటిస్తున్నారు. ఇటీవలే తొలి షెడ్యూల్ పూర్తయింది. త్వరలోనే హైదరాబాద్ లో రెండో షెడ్యూల్ ప్రారంభం కానుంది. ఇప్పుడీ చిత్రం గురించి ఓ ఆసక్తికర విషయం తెలిసింది. ఇందులో మరో హీరోయిన్ కి కూడా అవకాశం ఉందట. ఆ అవకాశం నివేదా థామస్‌ దక్కనుంది అనే ప్రచారం జరుగుతోంది. మరోవైపు, కొత్త అమ్మాయి కీతికా శర్మ పేరు వినిపిస్తోంది. ఈ ఇద్దరు ఒకరు ఫైనల్ కానున్నారు.

రెండో హీరోయిన్ విషయంలో చిత్రబృందం నుంచి ఎలాంటి అధికారిక ప్రకటన రాలేదు. బన్నీ-త్రివిక్రమ్ కలయికలో గతంలో రెండు సినిమాలొచ్చాయ్. జులాయ్, సన్నాఫ్ సత్యమూర్తి సినిమాలు మంచి విజయాన్ని అందుకొన్నాయి. ఈ నేపథ్యంలో వీరి కాంబోలో తెరకెక్కుతోన్న హ్యాట్రిక్ సినిమాపై ప్రేక్షకుల్లో భారీ అంచనాలున్నాయి. ఈ సినిమా మదర్ సెంటిమెంట్ తో తెరకెక్కుతోంది. బన్నీ తల్లిగా బాలీవుడ్ సీనియర్ నటి టబు నటిస్తున్నారని చెబుతున్నారు. దసరా కానుకగా బన్నీ-త్రివిక్రమ్ సినిమా రాబోతుంది.